မွန်  ၊ အင်္ဂလိပ် ၊  Font

Breaking News
Home / သတင်း / တိုင်းရင်းစာပေသင်ကြားရေး သင်ရိုးညွှန်းတမ်းတွင် ပါဝင်ခြင်းမရှိသေး

တိုင်းရင်းစာပေသင်ကြားရေး သင်ရိုးညွှန်းတမ်းတွင် ပါဝင်ခြင်းမရှိသေး

ရေးသားသူ: >

၂၀၁၆-၂၀၁ရ ပညာသင်နှစ်အတွက် အစိုးရကျောင်းများတွင် ပြ

မွန်ပြည်နယ်လွှတ်တော် အထူးအစည်းအဝေး(၁/၂၀၁၆) (MNA)
မွန်ပြည်နယ်လွှတ်တော် အထူးအစည်းအဝေး(၁/၂၀၁၆) (MNA)
ဌာန်းထားသည့် သင်ရိုးညွှန်းတမ်းအရ တိုင်းရင်းသားစာပေပါဝင်ခြင်း မရှိသည့်အတွက် ကျောင်းချိန် ပြင်ပ၌သာ သင်ကြားရမည်ဟု သိရသည်။

မွန်ပြည်နယ်အစိုးရ လူမှုရေး ဝန်ကြီး ဒေါက်တာ ထိန်လင်းက “ တိုင်းရင်းသား စာပေအနေနဲ့ လက်ရှိ သင်ရိုးညွှန်းတမ်းတွင် ပါဝင်မှု မရှိခြင်း၊ ကျောင်း၏ ဖွံ့ဖြိုးရေး အချိန်မှာ တစ်ပတ်တွင် တစ်ကြိမ်သာ ရှိတဲ့အတွက် တိုင်းရင်းသားစာပေကို ကျောင်း၏ ဖွံ့ဖြိုးရေး အချိန်မှာ သင်ကြားပါက တစ်ပတ်တွင် တစ်ကြိမ်သာ သင်ကြားနိုင်မယ့် သဘော သက်ရောက်နေပါတယ်” ဟု ပြောသည်။

မွန်ပြည်နယ်လွှတ်တော် အထူးအစည်းအဝေး(၁/၂၀၁၆) တွင် တိုင်းရင်းသား အရေးဆိုင်ရာကော်မတီ ဥက္ကဌ ဦးထွန်းမင်းအောင်၏ “ တိုင်းရင်းသားစာပေ သင်ကြားရေးကိစ္စရပ်များ ထိရောက်အောင်မြင်ရေး အတွက် ဆောင်ရွက်ပေးရန် တိုက်တွင်းကြောင်း အဆို” နှင့် ပတ်သက်ပြီး လူမှုရေး ဝန်ကြီး ဒေါက်တာ ထိန်လင်းက ယင်းသို့ ဖြေကြားခဲ့ခြင်း ဖြစ်သည်။

တိုင်းရင်းသားစာပေ သင်ကြားသည့် ဝန်ထမ်း ဆရာ/ ဆရာမများအနေဖြင့် စာသင်ချိန်အတွင်း သင်ကြားမည်ဆိုပါက လက်ရှိ လစာအပြင် အပိုထောက်ပံ့ကြေးကိုလည်း ကျောင်းစာသင်ချိန်အတွင်း ရရှိသည့်သဘော သက်ရောက်လျက်ရှိကြောင်း၊ သက်ဆိုင်ရာ တိုင်းရင်းသား ဘာသာစကား သင်ကြားမှုအတွက် ကျောင်းချိန်နှင့် တစ်ဆက်တည်းဆက်လက်သင်ကြားလိုသူများ အဆင်ပြေစွာ သင်ယူနိုင်ရန် ညှိနှုိင်းသင်ကြားကြခြင်း ဖြစ်ကြောင်း ၄င်းက ဆက်ပြောသည်။

မွန်ပြည်နယ်ပညာရေးမှူးရုံး ညွှန်ကြားရေးမှူး ဦးမျိုးတင့်အောင် က “ ဒီနှစ်အတွက်လည်းပဲ သင်ရိုးအတွက် ဆရာတို့ အခုလက်ရှိ အနေအထားအရ ဆိုရင် အချိန်သတ်မှတ်ထားပေးတယ်၊ မူလတန်းဆိုရင် စာသင်ချိန် ဘယ်နှစ်ကြိမ် ဆိုတာ တိတိကျကျ သတ်မှတ်ထားပြီးသားဆိုတော့ တိုင်းရင်းသားစာပေကိုတော့ ဆရာတို့ ကျောင်းချိန်အတွင်းမှာ သင်ကြားသွားဖို့ မဖြစ်နိုင်ဘူး၊ ကျောင်းချိန် ပြင်ပ မှာပဲ သင်ခွင့်ရမှာပေါ့နော်” ဟု မွန်သတင်းအေဂျင်စီသို့ ပြောသည်။

တိုင်းရင်းသားစာပေ သင်ကြားပေးနေသည့် ဆရာ/ ဆရာမများ၏ ဘတ်ဂျက်ငွေ မရှိသေးကြောင်း၊ လက်ရှိတွင် ဆရာ/ ဆရာမ ဦးရေ၊ ကျောင်းသား/ ကျောင်းသူဦးရေ စာရင်း ကောက်ခံနေပြီ ဖြစ်ကြောင်း၊ ထောက်ပံ့ငွေကိုလည်း မည်မျှလိုအပ်သည်ကို အတိအကျ မပြောနိုင်သေးကြောင်း ၄င်းက ဆက်ပြောသည်။

ပြီးခဲ့သည့် ပညာသင်နှစ်တွင် တိုင်းရင်းသာစာပေ သင်ကြားနေကြသည့် ဆရာ/ ဆရာမများ၏ ထောက်ပံ့ကြေးတစ်လလျင် ၃ သောင်းကျပ်သာ ရရှိခဲ့ကြောင်း၊ ၂၀၁၆-၂၀၁ရ ဘဏ္ဍာရေးနှစ်တွင် ပြည်ထောင်စု ဘတ်ဂျက် ပိုမိုရရှိပါက တိုး၍ ထောက်ပံ့ပေးသွားမည် ဖြစ်ကြောင်း၊ ထောက်ပံ့ကြေးကိုလည်း လစဉ် ပုံမှန် ပေးနိုင်ရေးအတွက် ပြည်ထောင်စု ပညာရေးဝန်ကြီး နှင့် ညှိနှုိင်း တင်ပြထားပြီ ဖြစ်ကြောင်း ပြည်နယ်ပညာရေးမှူးရုံး ညွှန်ကြားရေးမှူးက ပြောသည်။

ဦးထွန်းမင်းအောင် က “ ကျနော်တို့ မွန်၊ ကရင်၊ ပအိုဝ်း တွေ့တဲ့ ဆရာ/ ဆရာမ တိုင်းအားလုံးက ညနေ ကျောင်းလွှတ်မှ သင်ရင် ကလေးတွေ စုစည်းရတာ အဆင်မပြေဘူး ပြောတဲ့အတွက် ကျောင်းချိန်အတွင်းဖြစ်တဲ့ ဖွံ့ဖြိုးရေး အချိန်မှာ တိုင်းရင်းသားစာပေ သင်ကြားဖို့ တောင်းဆိုရခြင်း ဖြစ်တယ်” ဟု ပြောသည်။

မွန်ပြည်နယ်တွင် တိုင်းရင်းသားစာပေကို ၂၀၁၃ ခုနှစ်ကတည်းက မွန်၊ ကရင်၊ ပအိုဝ်း တိုင်းရင်းသား စာပေ သင်ကြားလျှက်ရှိနေပြီး သင်ကြားသည့် ဆရာ/ ဆရာမ များအနေဖြင့် လစဉ်ထောက်ပံ့ကြေးကို ပုံမှန်မရရှိဘဲ စာသင်နှစ်ကုန်ဆုံးမှသာ ရရှိခဲ့ကြောင်း သိရသည်။

ပြီးခဲ့သည့် ပညာသင်နှစ်တွင် မွန်ပြည်နယ်အတွင်း အစိုးရစာသင်ကျောင်း ၂၅၈ ကျောင်း၊ အစိုးရ ဝန်ထမ်း ဆရာ/ ဆရာမ ၂၀၆ ဦး၊ ပြင်ပ မွန်ဆရာမ ၂၈၁ ဦး နှင့် ကျောင်းသား/ ကျောင်းသူပေါင်း ၃ သောင်းနီးပါးခန့် တိုင်းရင်းသားစာပေ သင်ကြားခဲ့ကြောင်း သိရသည်။

About မွန်သတင်းအေဂျင်စီ

Check Also

မွန်ပြည်နယ်ရှိ မြို့နယ်အားလုံး မွေးမြူးရေးဇုန်ထူထောင်ပေးနိုင်ရန် မြေနေရာရှာဖွေလျက်ရှိ

မွန်ပြည်နယ်ရှိ မြို့နယ်အားလုံးနီးပါးတွင် မွေးမြူရေးဇုန် ထူထောင်ပေးနိုင်ရန်အတွက် အစိုးရအဖွဲ့မှ မြေနေရာများ ရှာဖွေလျက်ရှိကြောင်း စက်တင်ဘာ (၂၀) ရက်နေ့က ကျင်းပသည့် ဒုတိယအကြိမ်မွန်ပြည်နယ်လွှတ်တော် သတ္တမပုံမှန် အစည်းအဝေးနောက်ဆုံးနေ့တွင် ကိုယ်စားလှယ်၏ …

Leave a Reply

%d bloggers like this: