မွန်  ၊ အင်္ဂလိပ် ၊  Font

Breaking News
Home / သတင်း / မွန်ပြည်နယ်မော်တော်ယာဉ်လေလံပွဲ ယမန်နေ့တွင်ဖျက်သိမ်း

မွန်ပြည်နယ်မော်တော်ယာဉ်လေလံပွဲ ယမန်နေ့တွင်ဖျက်သိမ်း

ရေးသားသူ: >

မွန်ပြည်နယ်အတွင်း ဖမ်းဆီးထိန်းသိမ်းခဲ့သည့် တရားမဝင်လိုင်စင်မဲ့မော်တော်ယာဉ်များကို မြို့နယ်တရားရုံးများမှ အမှုပြီးပြတ်သည့်ကားများ ပြည်နယ်အစိုးရရုံး၌ လေလံတင်ရောင်းချမည့််အစီအစဉ် ယမန်နေ့က ဖျက်သိမ်းခဲ့သည်။

လေလံတင်ရောင်းချမည့် မော်တော်ကား ၁၁ရ စီးကို ပြည်ထောင်စုစီမံ၊ စီးပွား၀န်ကြီးဌာနသို့ အပ်နှံရမည်ဖြစ်သောကြောင့် ဖျက်သိမ်းခြင်းဖြစ်ကြောင်း လေလံတင်ရောင်းချရေး ကော်မတီမှသိရသည်။

မွန်ပြည်နယ်မော်တော်ယာဉ်လေလံပွဲ(MNA)
မွန်ပြည်နယ်မော်တော်ယာဉ်လေလံပွဲ(MNA)

လေလံတင်ရောင်းချရေးကော်မတီ ဥက္ကဌ ဒေါက်တာမင်းနွယ်စိုးက ”မနေ့ကညဦးပိုင်းမှာကျွန်တော့်ဆီကို ညွှန်ကြားချက်တစ်ခုလာပါတယ်၊ ကျွန်တော်တို့ပြည်နယ်က လေလံတင် ရောင်းချမည့်ကားတွေကို ပြည်ထောင်စု စီမံ၊စီးပွား၀န်ကြီးဌာနကိုအပ်ပါ။ နောက်ပြီးလို့ရှိရင် မွန်ပြည်နယ်အတွင်း အမှန်တကယ်လိုအပ်သည့် ဌာနများသို့ မှျတစွာပြန်လည်ထုတ်ပေးသွားရန် အကြောင်းကြားပါသည် ဆိုပြီးတော့ ကျွန်တော်တို့ကို ညွှန်ကြားလာပါတယ်” ဟု ပြောသည်။

အဆိုပါလေလံပွဲဖျက်သိမ်းခြင်းကြောင့် မကျေမနပ်ဖြစ်မိကြောင်း မော်တော်ယာဉ် လေလံဆွဲမည့်သူများက ပြောသည်။

လေလံဆွဲမည့် ဦးဇော်လွင်က “ဦးတို့အနေနဲ့ အချိန်တွေကုန် ၊ပိုက်ဆံတွေအကုန်ခံပြီးတော့ ဒီလေလံပွဲကိုလာရတာ။ ကား ၁၁ရ စီးရှိတယ်၊ ဦးကတော့ ဖောင်အစောင် ၃၀ ၀ယ်ထားတယ်။ ဖောင်တစ်စောင်ကို ၅ ထောင်ကျပ်ပေးရတယ်၊ ကားတစ်စီးအတွက်ဆိုရင် စရံငွေကျပ်သိန်း ၂၀ ပေးထားရတယ်” ဟု ပြောသည်။

လေလံဆွဲမည့်သူများအနေဖြင့် ပယ်ဖျက်သည့်စာအမှတ်အား တောင်းခံသော်လည်း လေလံကော်မတီမှ ပေးခွင့်မရှိကြောင်း၊ အလိုရှိပါက ပြည်နယ်အစိုးရရုံး အဖွဲ့သို့တောင်းခံနိုင်ကြောင်း လေလံကော်မတီက ပြောသည်။

“ကြေညာထားတဲ့အတိုင်း ကျွန်တော်တို့ကမှန်မှန်ကန်ကန် လေလံပြန်ပေးစေချင်တယ်။ ဒါကိုဘာကြောင့် ဖျက် သလဲဆိုတာကို သူတို့ဘက်ကတိတိကျကျမရှင်းပြဘဲ ပယ်ဖျက်တဲ့အတွက်မကျေမနပ်ဖြစ်တယ်” ဟု မော်တော်ယာဉ်လေလံဆွဲသူ ကိုတင်ထွန်းအောင်က ဆက်ပြောသည်။

ယင်းကဲ့သို့မော်တော်ယာဉ် လေလံပွဲပျက်သွားသဖြင့် လေလံဆွဲမည့်သူ ၂၀ ဦး၀န်ကျင်ခန့် အချိန်နှင့်ငွေကြေးများ နစ်နာဆုံးရှုံးခဲ့ရသည်ဟု ဆိုသည်။

မွန်ပြည်နယ်အတွင်း ဖမ်းဆီးရမိခဲ့သော မော်တော်ယာဉ်များကို မွန်ပြည်နယ်အစိုးရက ၂၀၁၅ ခုနှစ် ဒီဇင်ဘာတွင် ၂၉၁ စီး၊ ၂၀၁၅ ခုနှစ် ဖေဖော်ဝါရီလတွင် ၁၅၀ စီးနှင့် ၂၀၁၃ ခုနှစ် နိုဝင်ဘာလတွင် ၈၈ စီးတို့ကို လေလံတင် ရောင်းချခဲ့ပြီးဖြစ်သည်။

About မွန်သတင်းအေဂျင်စီ

Check Also

မွန်အမျိုးသားပါတီဝင်အချို့ကို ထုတ်ပယ်ခြင်းမရှိသေးဟုဆို

မွန်အမျိုးသားပါတီ MNP ဗဟိုဌာနချုပ်နှင့် အချိန်ကာလကြာအဆက်ပြတ်နေသည့် ဗဟိုအလုပ်မှုဆောင်အချို့အပါအဝင် ပါတီဝင် (၆) ဦးတို့အား ဆက်လက်တာဝန်ထမ်းဆောင်လိုခြင်းရှိမရှိ သဘောထားဆန္ဒတောင်းခံထားဆဲဖြစ်ပြီး ပါတီမှထုတ်ပယ်ခြင်းကို မဆုံးဖြတ်ရသေးကြောင်း MNP)အထွေထွေအတွင်းရေးမှူး နိုင်လယီတမက ပြောသည်။ …

Leave a Reply

%d bloggers like this: