မွန်  ၊ အင်္ဂလိပ် ၊  Font

Breaking News
Home / သတင်း / မနောမယ(ခရင်းချောင်း)တံတားပြီးစီးနိုင်ရန် ကျပ်သိန်း ၈၀ဝ ဝန်းကျင်လိုအပ်နေ

မနောမယ(ခရင်းချောင်း)တံတားပြီးစီးနိုင်ရန် ကျပ်သိန်း ၈၀ဝ ဝန်းကျင်လိုအပ်နေ

ရေးသားသူ: >
မနောမယ(ခရင်းချောင်း)တံတား(MNA)
မနောမယ(ခရင်းချောင်း)တံတား(MNA)
ကရင်ပြည်နယ်၊ ကော့ကရိတ်မြို့နယ်၊ ကမ်းနီ – ကော့ခိုက်ကျေးရွာအနီးရှိ ခရင်းချောင်းတွင် ကမ်းနီတောရ ကျောင်းဆရာတော်က ဦးစီးဦးဆောင်ပြုပြီး ဆောက်လုပ်လျှက်ရှိသည့် မနေမယ(ခရင်းချောင်း) တံတား အပြီးအစီးဆောက်လုပ်နိုင်ရန် နောက်ထပ်ငွေကျပ်သိန်း ၈၀ဝ ဝန်းကျင်ခန့် လိုအပ်နေသည်ဟု တံတားဖြစ်မြောက်ရေးကော်မတီဥက္ကဌ ဦးကျော်လွင်ဦးက ပြောသည်။

၂၀၁၅-၂၀၁၆ ဘတ်ဂျက်ကာလတွင် နိုင်ငံတော်ထံမှ ငွေကျပ်သိန်းပေါင်း ၃၃၀ဝ(သုံးထောင့်သုံးရာ) ရရှိခဲ့ပြီးဖြစ်သော်လည်း တံတားပြီးစီးရန် နောင်အစိုးရသစ်တက်သည့်အခါ နောက်ထပ်ဘတ်ဂျက်ကျ/မကျ ဆိုသည့်အပေါ် မူတည်နေသည်ဟု ဆိုသည်။

ဦးကျော်လွင်ဦးက “ပွင့်လင်းစွာပြောရမယ်ဆိုရင်တော့ ဒီတံတားကို ကိုယ်တို့ရဲ့ ဆရာတော်ကတာဝန်ယူထားတာပေါ့ နော်၊ ဒီလိုခက်ခဲကြပ်တည်းတဲ့ငွေကြေးအပိုင်းကိုတော့ သူ့ရဲ့ဒကာတွေကနေသော်လည်းကောင်း၊ အလှူခံရရှိထားတဲ့ငွေက နေသော်လည်းကောင်း၊ ပြီးတော့ဆရာတော်ကိုတစ်သီးတစ်ပုဂ္ဂလလာလှူဒါန်းတဲ့ငွေတွေနဲ့ပဲ ဆောင်ရွက်နေတာပါ ၊ လက်ရှိမှာတော့ ဆရာတော်မှာ အကြွေးအနည်းအကျဉ်းတော့ရှိလိမ့်မယ်လို့ထင်တယ်၊ ဘယ်လောက်ရှိတယ်ဆို တာ ဆရာတော်ကိုမေးပြီးမှသိမှာပါ” ဟု ပြောသည်။

အနီးတဝိုက်ကျေးရွာများမှ ကျေးရွာသူ/သားများ၏ လူအား၊ ငွေအား၊ လုပ်အား နှင့်အတူ နိုင်ငံတော်ဘတ်ဂျက် ငွေများဖြင့် ဆောက်လုပ်နေသည်မှာ လပေါင်း (၁၁) လ ကြာခဲ့ပြီးဖြစ်သည်ဟု ဆိုသည်။

“ဒီခရင်းချောင်းတစ်လျှောက်မှာရှိတဲ့ ရွာတော်တော်များများဟာ မွန်ရွာတွေပဲ၊ ချောင်းအရှေ့ ဘက်မှာဆိုရင် ကော့ခိုက်၊ ကော့ကျိုက်၊ ကမ်းနီ၊ တံတားဦး ရွာတွေရှိမယ်၊ ချောင်းအနောက်ဘက်မှာဆိုရင်လည်း ကော့ဂူ၊ ကော့မိ၊ ကော့ဘိန်း၊ ကော့ပေါက်၊ မင်းရွာ စတဲ့ရွာတွေရှိမယ်၊ အဲ့ဒီရွာတွေအားလုံးမှာ ကျနော်တို့အလှူခံ ထွက်လို့ပြီးပါပြီး” ဟု တံတားအလှူခံမဏ္ဍပ်အလှူခံ နိုင်မငေး က ပြောသည်။

အဆိုပါတံတားသည် အရှည်ပေ ၂၇၀၊ အကျယ် ပေ ၃၀ ရှိသည့် နှစ်လမ်းသွားတံတားဖြစ်၍ ၁၀ တန် အလေးချိန်ခံဝန်အားရှိရန် ဆောက်လုပ်မည်ဖြစ်ပြီး စုစုပေါင်းငွေကျပ်သိန်း ၉၀ဝ၀ (သိန်းကိုးထောင်) ခန့်ကုန်ကျမည်ဟုလျာထားပြီး ကရင်ပြည်နယ်၊ တံတားအထူးဖွဲ့အမှတ်(၂၀) နှင့် ကျေးလက်ဒေသဖွံ့ဖြိုးတိုးတက်ရေးဦးစီးဌာနတို့ ပူးပေါင်းတည်ဆောက်လျက်ရှိသည်။

About မွန်သတင်းအေဂျင်စီ

Check Also

မုဒုံမြို့နယ် အမှတ် ၁ မဲဆန္ဒနယ် ပြည်နယ်လွှတ်တော်ကိုယ်စားလှယ်အား ဒေသခံ ၁၀ဝ ခန့် ဆန္ဒထုတ်ဖော်

မွန်ပြည်နယ် မုဒုံမြို့နယ် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဒေါ်မြသိင်္ဂီမော်အား ကျေးရွာအုပ်ချုပ်ရေးမှူးထုတ်ပယ်ရခြင်းနှင့်ပတ်သက်၍ မှိန်ဂနိမ်းကျေးရွာ၌ ဒေသခံ ၁၀ဝ ခန့်တို့က စက်တင်ဘာလ ၂၁ ရက်နေ့ နံနက် …

Leave a Reply

%d bloggers like this: