မွန်  ၊ အင်္ဂလိပ် ၊  Font

Breaking News
Home / သတင်း / တနင်္သာရီတိုင်းတွင် မွန်လူဦးရေ ၆ သောင်းကျော်သော်လည်း မွန်တိုင်းရင်းသားရေးရာဝန်ကြီးနေရာမသတ်မှတ်ပေး

တနင်္သာရီတိုင်းတွင် မွန်လူဦးရေ ၆ သောင်းကျော်သော်လည်း မွန်တိုင်းရင်းသားရေးရာဝန်ကြီးနေရာမသတ်မှတ်ပေး

ရေးသားသူ: >
တိုင်းရင်းသားဝန်ကြီးမဲဆန္ဒနယ်မြေများ(Copy)
တိုင်းရင်းသားဝန်ကြီးမဲဆန္ဒနယ်မြေများ(Copy)
ခတ္တာနန်း – မွန်လူဦးရေကောက်ခံရေးကော်မတီ၏ ထုတ်ပြန်ခဲ့သောစာရင်းအရ တနင်္သာရီတိုင်းဒေသကြီး၌ မွန်လူဦးရေ ၆ သောင်းကျော် ရှိသော်လည်း ၂၀၁၅ ရွေးကောက်ပွဲတွင် မွန်တိုင်းရင်းသားရေးရာဝန်ကြီး

နေရာမသတ်မှတ်ပေးကြောင်း သိရသည်။

မွန်လူမှုအဖွဲ့အစည်းများပေါင်းစည်းထားသော မွန်လူဦးရေကောက်ခံရေးကော်မတီက ၂၀၁၄ ခုနှစ် မွန်လူဦးရေစာရင်း ကောက်ယူရာတွင် တနင်္သရီတိုင်းဒေသကြီး၌ မွန်လူဦးရေ ၆ သောင်းကျော် စာရင်းပြုစုခဲ့သော်လည်း ထိုစာရင်းကို လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန(လဝက) အသိအမှတ်မပြုသဖြင့် မွန်တိုင်းရင်းသားရေရာ မဲဆန္ဒနယ်မရရှိခြင်းဖြစ်သည်ဟု စံုစမ်းသိရှိရသည်။

မွန်ဒေသလုံးဆိုင်ရာ ဒီမိုကရေစီပါတီ တွဲဖက်အတွင်းရေးမှူး(၁) နိုင်စံတင်က “တနင်္သာရီတိုင်းမှာ ကျနော်တို့ လူဦးရေစာရင်း ကောက်ထားတာ လူဦးရေ ၆ သောင်းကျော်ရတယ်ဆိုတော့ ကျနော်တို့ပါ တိုင်းရင်းသားရေးရာဝန်ကြီး ဝင်ရွေးဖို့စီစဥ်ထားတယ်၊ ဒါပေမဲ့ အခုစာရင်းထွက်လာတော့ မွန်တိုင်းရင်းသားလူမျိုး မဲဆန္ဒနယ် မရဘူးဆိုတော့ ကျနော်တို့ အရမ်းကို စိတ်မကောင်းဖြစ်ရတယ်” ဟု ပြောသည်။

၂၀၁၀ ရွေးကောက်ပွဲတွင် တနင်္သာရီတိုင်းဒေသကြီး (လဝက) စာရင်း၌ မွန်လူဦးရေ ၄ သောင်းကျော်သာရှိကြောင်း၊ အလားတူ ရန်ကုန်တိုင်း၊ ပဲခူးတိုင်းတို့တွင် မွန်တိုင်းရင်းသားဦးရေ ၆ သောင်းမပြည့်ကြောင်း သတ်မှတ်ခဲ့သည်။

မွန်အမျိုးသားပါတီ အထွေထွေအတွင်းရေးမှူး နိုင်လယီတမက “တိုင်းရင်းသားရေးရာကိုတော့ ပထမက ကရင်ရယ်၊ တနင်္သာရီရယ် ရန်ကုန်ရယ် ၃ နေရာကို ရည်ရွယ်ထားတယ်၊ ဒါပေမဲ့ မဲဆန္ဒနယ်စာရင်းမှာတော့ ရန်ကုန်နဲ့ တနင်္သာရီက ပါမလာဘူး” ဟု ပြောသည်။

လဝကစာရင်းအရ ကရင်ပြည်နယ်တွင် မွန်လူဦးရေ ၆ သောင်းကျော်ရှိသဖြင့် ၂၀၁၀ ရွေးကောက်ပွဲတွင် မွန်တိုင်းရင်းသားရေရာဝန်ကြီးတစ်ဦး ရွေးချယ်ခံခွင့်ရှိခဲ့သည်။

တိုင်းရင်းသားရေရာဝန်ကြီးထားရှိနိုင်ရန် တနင်္သာရီ၊ ရန်ကုန်၊ ပဲခူးတိုင်းဒေသကြီးများတွင် ယမန်နှစ်က မွန်လူဦးရေ စာရင်းများ ကောက်ယူခံခဲ့ပြီး ဖြစ်သည်။

About မွန်သတင်းအေဂျင်စီ

Check Also

ရေးမြို့နယ်ပင်လယ်ပြင်အတွင်း ရေလုပ်သားတစ်ဦးသံပိုက်ဖြင့်အရိုက်ခံ ရေထဲပြုတ်ကျခဲ့

မွန်ပြည်နယ်၊ ရေးမြို့နယ် ကပ္ပလီပင်လယ်ပြင်အတွင်း အစင်ကျေးရွာ စိန်ပိုက်ငါးဖမ်းလှေရေလုပ်သားတစ်ဦး သံပိုက်ဖြင့်အရိုက်ခံရသဖြင့် ရေထဲပြုတ်ကျသည့်တစ်လခန့်ကြာဖြစ်စဉ်အား စက်တင်ဘာလ၂၀ ရက်နေ့တွင် အမှုတိုင်ကြားခဲ့ကြောင်း ရေးမြို့မရဲစခန်းမှ သိရသည်။ Related

Leave a Reply

%d bloggers like this: