spot_img
Thursday, March 28, 2024
More
    spot_img
    Homeသတင်း၈ လေးလုံးနှစ်ပတ်လည်နေ့တွင် ကွယ်လွန်သူ နိုင်နလ္လာ၏အောက်မွေ့ဘွယ် အခမ်းအနားကျင်းပ

    ၈ လေးလုံးနှစ်ပတ်လည်နေ့တွင် ကွယ်လွန်သူ နိုင်နလ္လာ၏အောက်မွေ့ဘွယ် အခမ်းအနားကျင်းပ

    -

    လွန်ခဲ့သော ၂၅ နှစ်က ၈ လေးလုံးတစ်နှစ်ပြည့် နှစ်ပတ်လည်အခမ်းအနားစင်မြင့်ပေါ် မိန့်ခွန်းပြောကြားစဉ် ရုတ်တရက်ကွယ်လွန်ခဲ့သူ မွန်ပြည်သစ်ပါတီ၊ ဥက္ကဌဟောင်း နိုင်နလ္လာ၏ အောက်မေ့ဘွယ် အခမ်းအနားတစ်ရပ်ကို

    ဘုရားသုံးဆူနယ်စပ်၊ ထိုင်းနိုင်ငံ၊ စံခလပူရီမြို့နယ်၊ ဘုရားသုံးဆူကျေးရွာရှိ ဘုရားသုံးဆူဘုန်းတော်ကြီးကျောင်း၌ သြဂုတ်လ ၈ ရက်နေ့ နံနက်ပိုင်းတွင် ဟောပြောပွဲနှင့်အတူ ဆွမ်းကျွေးအမျှဝေအခမ်းအနားဖြင့် ကျင်းပခဲ့သည်။

    ဘုရားသုံးဆူဘုန်းတော်ကြီးကျောင်း နိုင်နွန်လာအောက်မေ့ဘွယ်အခမ်းအနား(IMNA)
    ဘုရားသုံးဆူဘုန်းတော်ကြီးကျောင်း နိုင်နွန်လာအောက်မေ့ဘွယ်အခမ်းအနား(IMNA)
    ဘုရားသုံးဆူမြို့နယ်၊ မွန်စာပေနှင့်ယဉ်ကျေးမှုဥက္ကဌ နိုင်တင်မွန်က “ကျနော်ကိုယ်တိုင်မြင်တွေ့ခဲ့ရတာက ၁၉၈၈ သပိတ်အပြီး ဘုရားသုံးဆူဒေသကို ကျောင်းသားတော်တော်များ ရောက်လာကြတယ်၊ ကျောင်းသားတပ်မတော် ဖွဲ့စည်းနိုင်ဖို့နဲ့ ကျောင်းသားတွေရပ်တည်နိုင်ရေးအတွက် အဲဒီကာလမှာ ဆရာနိုင်နလ္လာက မွန်ပြည်သစ်ပါတီ ဒုဥက္ကဌတစ်ဦးအနေနဲ့ ပါတီရဲ့ကိုယ်စား အဘက်ဘက်က အကူအညီပေးခဲ့သူတစ်ယောက်ပါ၊ ” ဟု အောက်မေ့ဘွယ်အခမ်းအနားအစီအစဉ်မိန့်ခွန်းတွင် ထည့်သွင်း ပြောကြားခဲ့သည်။

    ဘုရားသုံးဆူအခြေစိုက် မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး ABSDF ၏ ဘိတ်ကြားချက်အရ ဘုရားသုံးဆူဒေသတွင်ကျင်းပသော ၈ လေးလုံးတစ်နှစ်ပြည့်အခမ်းအနား(၁၉၈၉ ခုနှစ်) စင်မြင့်ပေါ် သဘာပတိမိန့်ခွန်းပြောကြားရင်း နှလုံးရပ်ကာ နိုင်နွန်လာကွယ်လွန်ခဲ့သည်ကို မိမိကိုယ်တိုင်တွေ့ရှိခဲ့ရကြောင်း နိုင်တင်မွန်က ဆက်ပြောသည်။

    ဘုရားသုံးဆူကျောင်းတိုက် ကျောင်းထိုင်ဆရာတော် အသျှင်ဟံသာရာဇာက “ ဆရာနိုင်နွန်လာ မိန့်ဆိုဘူးတဲ့ သြဝါဒတွေမှာ နိုင်ငံရေးလုပ်တယ်ဆိုရင် နိုင်ငံရေးရာကိစ္စတွေကို လေ့လာရမယ်၊ အမျိုးသားရေးလုပ်ငန်းတွေလုပ်တဲ့အခါမှာလည်း ညီညွတ်ရေးရှိမှသာ ရည်မှန်းချက်ပန်းတိုင်းကို ရောက်ရှိနိုင်မယ်” ဟု အောက်မေ့ဘွယ်ဆုတောင်းစဉ် ထည့်သွင်းမြွက်ကြားခဲ့သည်။

    ထို့အပြင် နိုင်နလ္လာ၏ အဆိုအမိန့်များတွင် အများအကျိုးသယ်ပိုးတဲ့နေရာတွေမှာ ၁-စည်းဝိုင်းဘောင်အတွင်းက ဆောင်ရွက်ရပါမယ်၊ ၂-စည်းဝိုင်းဘောင်အတွင်းကပဲ ပြုပြင်မှုတွေဆောင်ရွက်ရပါမယ်၊ ၃-စည်းဝိုင်းဘောင်အတွင်းမှာပဲ အသေခံရဲရမယ်ဟု ဆရာတော်က ဆက်လက်မြွက်ကြားသည်။

    နိုင်နွန်လာ (ခေါ်) နိုင်ဆိတ်နို့ ကွယ်လွန်သည့် ၁၉၈၉ ခုနှစ်တွင် အသက် ၇၂ နှစ်ရှိပြီး သားတစ်ဦး၊ သမီးတစ်ဦးနှင့် မြေး ၄ ဦးကျန်ရစ်သည်ဟု သိရသည်။

    နိုင်နွန်လာသည် ဒုဥက္ကဌ၊ ၁၉၈၁-၈၇ မွန်ပြည်သစ်ပါတီ နှစ်ဖွဲ့ကွဲစဉ်ကာလ၌ ဝင်းကဒေသကို အခြေခံသောအဖွဲ့တွင် ဥက္ကဌအဖြစ် နိုင်ရွှေကျင် ဦးဆောင်ခဲ့စဉ် ဘုရားသုံးဆူဒေသကို အခြေခံသောအဖွဲ့တွင် ပါတီဥက္ကဌအဖြစ် နိုင်နွန်လာက ဦးဆောင်ခဲ့ပြီး ပါတီပြန်လည်ပေါင်းစည်းသောအခါ ၁၉၈၉ ပထမအကြိမ် မွန်ပြည်သစ်ပါတီညီလာခံ၌ ဒုဥက္ကဌအဖြစ် ရွေးချယ်ခံရသည်။

    ဗိုလ်ချုပ်နေဝင်း စစ်အာဏာသိမ်းအပြီး ၁၉၆၃ နိုဝင်ဘာလတွင် မွန်ခေါင်းဆောင်များအား ဖမ်းဆီးထိန်းသိမ်းစဉ် နိုင်အောင်ထွန်း(ကွယ်လွန်)၊ နိုင်ထွန်းသိန်း(MNP-MDP-MNDF)၊ နိုင်ငွေသိမ်း (MNP-MDP-MNDF)၊ နိုင်ချမ်းမွန်(ကွယ်လွန်)၊ နိုင်သိမ်းမောင်(MDP-MNDF)၊ နိုင်ကွန်ဗလိုင် (ကွယ်လွန်)၊ နိုင်ကျောင်(ကွယ်လွန်)၊ နိုင်တင်အောင်(MNP-MDP-NMSP) တို့နှင့်အတူ မော်လမြိုင်ထောင်၌ နိုင်နွန်လာ ၁၀ နှစ်ကျော်အကျဉ်းကျခံရပြီး ၁၉၇၃ တွင် လွတ်မြောက်လာကာ မွန်ပြည်သစ်ပါတီသို့ ဝင်ရောက်ခဲ့ကြောင်း သူ၏အတ္တုပတ္တိ လက်ကမ်းစာစောင်တွင် ရေးသားဖေါ်ပြသည်။

    အလားတူ နိုင်နွန်လာအောက်မေ့ဘွယ်အခမ်းအနားများကို သူ၏မွေးရပ်ဇာတိမြေ မုဒုံမြို့နယ်၊ နှီးပဒေါကျေးရွာတွင်လည်း ဒေသခံမွန်ယဉ်ကျေးမှုအဖွဲ့က အောက်မေ့ဘွယ်အခမ်းအနားနှင့် ဆွမ်းကျွေးပွဲတစ်ရပ် သြဂုတ်လ ၈ ရက်နေ့ နံနက်ပိုင်းတွင် ကျင်းပခဲ့ကြောင်း နီးစပ်သူများထံမှသိရသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    20,500SubscribersSubscribe
    spot_img

    Latest posts