မွန်  ၊ အင်္ဂလိပ် ၊  Font

Breaking News
Home / သတင်း / ဘုရားသုံးဆူမြို့တွင် အိမ်ထောင်စုစာရင်းမရှိသူအချို့ကို သန်းခေါင်စာရင်းမကောက်ခဲ့

ဘုရားသုံးဆူမြို့တွင် အိမ်ထောင်စုစာရင်းမရှိသူအချို့ကို သန်းခေါင်စာရင်းမကောက်ခဲ့

ရေးသားသူ: > >
သန်းခေါင်စာရင်း နှိုးဆော်ချက်(Internet)
သန်းခေါင်စာရင်း နှိုးဆော်ချက်(Internet)
ခတ္တာနန်း – ပြည်လုံးကျွတ်သန်းခေါင်စာရင်း ကောက်ယူမှုတွင် ကရင်ပြည်နယ်၊ ဘုရားသုံးဆူမြို့၌ အိမ်ထောင်စုစာရင်း မရှိသည့် မိသားစုအချို့ကို သန်းခေါင်စာရင်း မကောက်ယူခဲ့ကြောင်း သိရသည်။

ဘုရားသုံးဆူမြို့ခံတစ်ဦးဖြစ်သူ နိုင်သိန်းဇော်က “ အိမ်ထောင်စုစာရင်းမရှိတဲ့ မိသားစုတွေကို စာရင်း မကောက်ဘူး၊ လူဦးရေ စစ်တမ်း သန်းခေါင်စာရင်းကောက်တာ အိမ်ထောင်စု စာရင်းမလိုဘူးလို ့ ကျနော်တို့ သိထားတာပါ” ဟု ပြောသည်။

အိမ်ထောင်စုစာရင်းတွင် မပါဝင်ခဲ့သည့် မိသားစုဝင်များနှင့် အိမ်ထောင်စု စာရင်းမရှိသည့် မိသားစုဝင်များ၊ နိုင်ငံခြားရောက် မိသားစုဝင်များအား သန်းခေါင်စာရင်းကောက်ခံသွားမည်ဟုလည်း မိမိတို့သိထားကြောင်း နိုင်သိန်းဇော်က ဆက်ပြောသည်။

“ဒါပေမယ့် အခု ကျနော်တို့အိမ်မှာ အိမ်ထောင်စု စာရင်းမရှိတဲ့ လူတွေကို စာရင်းမထည့်ခဲ့ရဘူး၊” ဟု နိုင်သိန်းဇော်က ဆက်ပြောသည်။

မွန်ပြည်နယ်၊ မုဒုံမြို့နယ်၊ ကမာဝက်ကျေးရွာရှိ ရွာခံတစ်ဦးက “ဒီမှာတော့ အိမ်ထောင်စု စာရင်းမရှိလို့ စာရင်းမကောက်တာတော့ မကြားရသေဘူး၊ သန်းခေါင်စရင်းကောက်တာကလည်း အိမ်ထောင်စုစာရင်း ရှိမရှိနဲ့ မဆိုင်ပါဘူး” ဟု ပြောသည်။

မိသားစုဝင်အတွင် နိုင်ငံခြားရောက်နေသည့် သူများကို သီးခြားစာရွက်တွင် မှတ်တမ်းပြု ရေးထည့်ထားကြောင်း ၎င်း ကဆက်ပြောသည်။

လူဦးရေ စာရင်းမှန်ရရှိရေးအတွက် ၂၀၁၄ သန်းခေါင်စာရင်း ကောက်ယူမှုတွင် အိမ်ထောင်စု စာရင်းရှိသည် ဖြစ်စေ မရှိသည်ဖြစ်စေ၊ ခရီးသွားဧည့်သည်ဖြစ်စေ စာရင်းကောက်ယူသွားမည်ဟု သန်းခေါင်စာရင်းကောက်ယူရေး ကြေငြာချက်များတွင် ရေးသားဖေါ်ပြထားသည်။

About မွန်သတင်းအေဂျင်စီ

Check Also

မွန်ပြည်နယ်တွင် လိုင်စင်စည်းကမ်းဖောက်ဖျက်သည့် အရက်ဆိုင် ၅၄ ဆိုင်အရေးယူခဲ့

မွန်ပြည်နယ်အတွင်းရောင်းချလျက်ရှိသည့် အရက်ဆိုင်များကို လစဉ်ပုံမှန်စစ်ဆေးမှုပြုခဲ့ပြီး ၂၀၁၇-၂၀၁၈ ဘဏ္ဍာနှစ်အစဖြစ်သည့် ဧပြီလမှ စက်တင်ဘာလထိ လိုင်စင်စည်းမျဉ်းစည်းကမ်းဖောက်ဖျက်သည့် ဆိုင် ၅၄ ဆိုင်အရေးယူခဲ့သည်ဟု မွန်ပြည်နယ် အထွေထွေအုပ်ချုပ်ရေးဦးစီးဌာန လက်ထောက်ညွန်ကြားရေးမှူး ဦးကံဝင်းက …

Leave a Reply

%d bloggers like this: