spot_img
Friday, March 29, 2024
More
    spot_img
    Homeသတင်းမွန်နှစ်ပါတီကိုယ်စားလှယ် နော်ဝေးရွေးကောက်ပွဲသွားရောက်လေ့လာ

    မွန်နှစ်ပါတီကိုယ်စားလှယ် နော်ဝေးရွေးကောက်ပွဲသွားရောက်လေ့လာ

    -

    ခတ္တာနန်း – မွန်ဒီမိုကရေစီပါတီအထွေထွေအတွင်းရေးမှူး ဒေါက်တာမင်းစိုးလင်းနှင့် မွန်ဒေသလုံးဆိုင်ရာ ဒီမိုကရေစီပါတီ ဗဟိုကော်မတီဝင် မင်းဝဏ္ဏကြီးတို့သည် စက်တင်ဘာလ ၉ ရက်နေ့တွင်ကျင်းပပြီးစီးခဲ့သော နော်ဝေးနိုင်ငံရွေးကောက်ပွဲသို့ သွားရောက်လေ့လာလျှက်ရှိသည်။

    Norwegian Burma Committee အစီအစဉ်ဖြင့် မွန်ပါတီကိုယ်စားလှယ်များအပြင် NLD လူငယ်၊ ၈၈ ပွင့်လင်းလူ့အဖွဲ့အစည်းနှင့် ဗကသကျောင်းသား ကိုယ်စားလှယ်များ စုစုပေါင်း ၁၄ ဦးခန့် သွားရောက်လေ့လာခဲ့သည်ဟု သိရသည်။

    မင်းဝဏ္ဏကြီးက “ နော်ဝေးက မဲပေးစနစ်နဲ့ မြန်မာပြည်က မဲပေးစနစ်က လုံးဝကိုကွဲပြားတယ်၊ ကျနော်တို့နိုင်ငံ လိုက်မှီဖို့အတွက် အများကြီးလုပ်ရအုံးမှာပါ၊ နော်ဝေးမှာက PR စနစ်ကိုကျင့်သုံးတယ်၊ ထူးခြားတာက ဒီနှစ်မှာ ၂၀၂၂ ရဲ့ အိုလံပစ် မဲဆန္ဒခံယူပွဲကိုပါ မဲထည့်ကြတယ်” ဟု ပြောသည်။

    ယခုကျင်းပခဲ့သော နော်ဝေးနိုင်ငံရွေးကောက်ပွဲတွင် ဗဟိုမှလကျာ်ယိမ်းပါတီ Centre-right parties က ၈ နှစ်ကြာ ပါတီမာန်ကိုအုပ်စိုးခဲ့သော The Labour Party အား အနိုင်ရရှိခဲ့ခြင်း ဖြစ်သည်။

    ယင်းနော်ဝေးရွေးကောက်ပွဲလေ့လာသူများသည် စက်တင်ဘာ ၈ ရက်နေ့တွင် နော်ဝေးနိုင်ငံ Ministry of Local Government ၌ နော်ဝေးနိုင်ငံ အခြေခံဥပဒေ အကြောင်း၊ Peace and Reassess ဌာနတွင် ကမ္ဘာ့ငြိမ်းချမ်းရေး၊ မြန်မာ့ငြိမ်းချမ်းရေးအကြောင်းများနှင့် ညနေပိုင်းတွင် မြန်မာနိုင်ငံတိုင်းရင်းသားများနှင့် မွန်တိုင်းရင်းသားအကြောင်း Debate အစီအစဉ်များကို ပြုလုပ်ခဲ့သည်။

    ထို့အပြင် နော်ဝေးရောက် မွန်တိုင်းရင်းသားများကလည်း မွန်ပါတီကိုယ်စားလှယ် ဒေါက်တာမင်းစိုးလင်းနှင့် မင်းဝဏ္ဏကြီးတို့အား စက်တင်ဘာလ ၇ ရက်နေ့ ညနေပိုင်းတွင် ကြိုဆိုပွဲအခန်းအနားတစ်ရပ် ကျင်းပခဲ့သည်။

    အခမ်းအနားတက်ရောက်သူ မင်းချမ်းမွန်းက “ သူတို့ကရွေးကောက်ပွဲလေ့လာရေးဆိုပေမယ့် ကျနော်တို့က မွန် ၂ ပါတီပေါင်းစည်းရေးကို အဓိကထားမေးမြန်းကြတယ်၊ ၂၀၁၄ မှာပေါင်းဖြစ်မယ်ဆိုတော့ ကျေနပ်မိပါတယ်” ဟု ပြောသည်။

    ၂၀၁၀ ရွေးကောက်ပွဲဝင် မွန်ဒေသလုံးဆိုင်ရာဒီမိုကရေစီပါတီနှင့် ရွေးကောက်ပွဲမဝင် မွန်ဒီမိုကရေစီပါတီရှိသည့်အတွက် မွန်၂ ပါတီဖြစ်ရှိနေပြီး ညီညွတ်သောမွန်ပါတီတစ်ရပ်ဖြစ်ပေါ်ရေးအား ရဟန်းသံဃာတော်များအပါအဝင် မွန်လူထုတစ်ရပ်လုံးက တောင်းဆိုလျှက်ရှိကြသည်။

    ဒေါက်တာမင်းစိုးလင်းက “ မွန် ၂ တီပေါင်းစည်းရေးလိုလားသူအားလုံးကြိုးပမ်းနေကြတယ်၊ ၂၀၁၄ ခုဒီဇင်ဘာလ နောက်ဆုံးထားပြီး ပေါင်းဖို့သဘောတူညီထားပြီးသား၊ အခြေအနေအကြောင်းကြောင်းကြောင့် မပေါင်းဖြစ်ခဲ့ရင်လည်း လာမယ့်ရွေးကောက်ပွဲကိုဝင်နိုင်ဖို့ အခြားနည်းလမ်းတွေ ရှိပါသေးတယ်” ဟု ပြောသည်။

    ပါလီမန်ဒီမိုကရေစီခေတ် ၁၉၆၀ ခုနှစ်ရွေးကောက်ပွဲတွင် မွန် ၃ ပါတီရှိသည့်အနက် မဲဆန္ဒနယ်မြေခွဲဝေ၍ ရွေးကောက်ပွဲဝင်ရောက်ခဲ့သည့် သာဓကကိုထောက်ပြခဲ့သည်။

    အဆိုပါနော်ဝေးနိုင်ငံသို့ရောက်ရှိနေသော လေ့လာရေးအဖွဲ့သည် ဖက်ဒရယ်နှင့်ပတ်သက်၍ ဂျာမဏီနိုင်ငံသို့ မကြာမီရက်ပိုင်းတွင် ခရီးဆက်လက်ထွက်ခွာမည်ဟု သိရသည်။

    ဆက်စပ်သတင်း

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.

    Stay Connected

    0FansLike
    0FollowersFollow
    409FollowersFollow
    20,600SubscribersSubscribe
    spot_img

    Latest posts