မွန်  ၊ အင်္ဂလိပ် ၊  Font

Breaking News
Home / သတင်း / ကျိုက်မရောမြို့ပေါ်မှအပ မွန်ပြည်နယ်ရေဘေးရှောင်သူအချို့နေအိမ်ပြန်နိုင်ပြီ

ကျိုက်မရောမြို့ပေါ်မှအပ မွန်ပြည်နယ်ရေဘေးရှောင်သူအချို့နေအိမ်ပြန်နိုင်ပြီ

ရေးသားသူ:

အေမီအောင် – မွန်ပြည်နယ် ရေဘေးရှောင်ပြည်သူများသည် ယခုအခါ နေအိမ်အသီးသီးသို့ ပြန်နေကြသော်လည်း ကျိုက်မရောမြို့ပေါ်တွင် ကယ်ဆယ်ရေးစခန်း ဆက်လက်ဖွင့်လှစ်ထားဆဲဖြစ်ကြောင်း မွန်ပြည်နယ် ကယ်ဆယ်ရေးဌာနမှ ဦးသောင်းရွှေ ကပြောသည်။

ကျိုက်မရောမြို့ပေါ်တွင် အိမ်ခြေ ၃၀ဝ ကျော်ရှိ လူဦးရေ ၁၅၀ဝ ကျော်ခန့် ရေဘေးရှောင်နေဆဲ ဖြစ်သည်ဟု သိရသည်။

“လူတွေတော့ဘေးအန္တရာယ်မရှိနိုင်အထက်တန်းကျောင်းတစ်ကျောင်း ရေလွှမ်းခံနေရပုံ(Facebook) အထက်တန်းကျောင်းတစ်ကျောင်း ရေလွှမ်းခံနေရပုံ(Facebook)[/captioင်တော့ပါဘူး၊ ကြိုတင်ပြင်ဆင်မှုအနေနဲ့ အားလုံးကို ဘေးလွတ်ရာ၊ ရေလုံးဝ မရောက်နိုင်တဲ့နေရာတွေကို ရွှေ့ထားတယ်၊ ဆရာဝန်၊ သူနာပြု၊ ကြက်ခြေနီအဖွဲ့တွေက နေ့ညမပြတ် ကျန်းမာရေးစောင့်ရှောက်ပေးနေတယ်” ဟု သူက ဆက်ပြောသည်။

ကျိုက်မရောမြို့ပေါ် အထကကျောင်းတွင် ရေဘေးရှောင်များကို ကယ်ဆယ်ရေးစခန်း ဖွင့်လှစ်ထားရှိသည့်အတွက် စာသင်ကျောင်းကိုလည်း ဆက်လက်ပိတ်ထားနေရသည်။

ဦးသောင်းရွှေက “ကျိုက်မရောမှာ ၁ ပေ ၂ပေ လောက်ပဲရေကျသေးတယ်၊ ရေး နဲ့ ဘီးလင်းတို့မှာ ရေကျသွားပါပြီး၊ မူလအတိုင်းပြန်ဖြစ်လို့ သူ့အိမ်သူပြန် သွားကြပါပြီ၊”ဟု ပြောသည်။

ရေဘေးရှောင်ပြည်သူများအတွက် မွန်ပြည်နယ်အစိုးရအဖွဲ့၊ဌာနဆိုင်ရာများ၊ ကယ်ဆယ်ရေးအဖွဲ့များ ၊အလှူရှင်များမှ ငါးသေတ္တာ ၊ ခေါက်ဆွဲခြောက်၊ ဆန်အိတ်များ၊ ထမင်းထုပ်၊ သောက်ရေသန့်များ သွားရောက်လှုဒါန်းခဲ့ကြသည်။

ထို့အပြင် ကျိုက်မရောမြို့နယ်၊ မြစ်ကမ်းအနီးရှိ ကျေးရွာများတွင် လယ်မြေများ ရေလွှမ်းမိုးခံနေဆဲဟု သိရသည်။

ပြီးခဲ့သည့်သီတင်းပတ်၌ မွန်ပြည်နယ်အတွင်း ဘီးလင်း ၊ ကျိုက်မရော၊ ရေးမြို့နယ်များတွင် အိမ်ထောင်စု ၁၀ဝ၀ ကျော်ခန့် လူဦးရေ ၄၅၀ဝ ကျော်ခန့် နှင့် ရေဘေးရှောင် ကယ်ဆယ်ရေးစခန်းများ ဖွင့်လှစ်စောင့်ရှောက်ခဲ့ခြင်း ဖြစ်သည်။

အလားတူ ကရင်ပြည်နယ်အတွင်း ဖားအံ၊ လှိုင်းဘွဲ၊ ကော့ကရိတ် ၊ ကြာအင်းဆိပ်ကြီး၊ မြဝတီနှင့် ကမမောင်းမြို့နယ်များတွင် အိမ်ထောင်စု ၆၇၀ဝ ကျော်ရှိ လူဦးရေ ၃၃၄၀ဝ ကျော်ခန့် ရေဘေးရှောင် ကယ်ဆယ်ရေးစခန်းများ ဖွင့်လှစ်ခဲ့ရသည်။

ပြီးခဲ့သည့် ဇူလိုင်လ နောက်ဆုံးပတ်အတွင်း မိုးအဆက်မပြတ်ရွာသွန်းခဲ့မှုကြောင့် မြန်မာပြည်တောင်ပိုင်းဒေသများ ဖြစ်ကြသော မွန်၊ ကရင်ပြည်နယ်နှင့် တနင်္သာရီတိုင်းဒေသကြီးတို့တွင် အနေရာအနှံ့ရေလွှမ်းမိုးမှုများဖြစ်ပေါ်ခဲ့သည်။

About မွန်သတင်းအေဂျင်စီ

Check Also

မွန်ကျောင်းဆရာများ ညီလာခံကျင်းပ

မွန်အမျိုးသားပညာရေးကော်မတီ MNEC-Mon National Education Committee မှ ဦးစီး၍ မွန်အမျိုးသားပညာရေး ကျောင်းဆရာများ ညီလာခံ Teacher Conference တရပ်ကို နိုဝင်ဘာလ ၁၉ …

Leave a Reply

%d bloggers like this: