မွန်  ၊ အင်္ဂလိပ် ၊  Font

Breaking News
Home / သတင်း / မွန်ပြည်နယ်လူမှုအဖွဲ့အစည်းကွန်ရက် ဆွေးနွေးပွဲပြုလုပ်

မွန်ပြည်နယ်လူမှုအဖွဲ့အစည်းကွန်ရက် ဆွေးနွေးပွဲပြုလုပ်

ရေးသားသူ:

မင်းလုံး – ဂရုဏာနာစွမ်းရည်အဖွဲ့ကဦးစီး၍ မွန်ပြည်နယ်လူမှုအဖွဲ့အစည်းကွန်ယက် တရားဝင်မှတ်ပုံတင်နိုင်ရန် ပထမအကြိမ်အလုပ်ရုံဆွေးနွေးပွဲ ကျင်းပခဲ့ကြောင်း သိရသည်။

This slideshow requires JavaScript.

ဆွေးနွေးပွဲတက်ရောက်ခဲ့သူ ကိုကြည်ဇော်လွင်က “ လွှတ်တော်မှာဆွေးနွေးနေကြတဲ့ အသင်းအဖွဲ့ ဆိုင်ရာ ဥပဒေဆိုတာရှိတယ်လေ၊ အသင်းအဖွဲ့တစ်ခုကိုဖွဲ့ရင် အသင်းအဖွဲ့ဆိုင်ရာဥပဒေအရ မှတ်ပုံတင်ရမယ်၊ မှတ်ပုံတင်ခ ၅ သိန်းပေးသွင်းရမယ်၊ တကယ်လို့မှတ်ပုံမတင်ထားဘူးဆိုရင် အသင်းအဖွဲ့တစ်ခုလုံးကို ဖျက်သိမ်းနိုင်သည်အထိ အစိုးရဘက်က အရေးယူနိုင်တဲ့အနေထားရှိတယ်” ဟု ပြောသည်။

အဆိုပါဆွေးနွေးပွဲသည် ပထမအဆင့်ဖြစ်ပြီး မွန်ပြည်နယ်ရှိ လူမှုအဖွဲ့အစည်းများစာရင်းကောက်ခံ၍ ကွန်ယက်ဖြစ်မြောက်ရေးအတွက် ယာယီကော်မတီ ၁၂ ဦးဖြင့် ဖွဲ့စည်းထားသည်ဟုလည်း ကိုကြည်ဇော်လွင်က ဆက်ပြောသည်။

ယင်းယာယီကော်မတီသည် လာမည့်စက်တင်ဘာလ ၁ ရက်နေ့တွင် အစည်းအဝေးပြုလုပ်ပြီး မွန်ပြည်နယ်လူမှုအဖွဲ့အစည်းညီလာခံကျင်းပနိုင်ရန် စီစဉ်ဆောင်ရွက်သွားမည် ဖြစ်သည်။

အဆိုပါ အလုပ်ရုံဆွေးနွေးပွဲသို့ Myanmar Peace Center (MPC) မှ ဦးလှမောင်ရွှေ၊ ဒေါက်တာကျော်ရင်လှိုင်၊ ကိုအောင်နိုင်ဦးနှင့် ကိုညိုအုန်းမြင့်တို့ တက်ရောက်ဆွေးနွေးခဲ့ကြသည်။

ဦးလှမောင်ရွှေက “အရပ်ဖက်လူ့အဖွဲ့အစည်းတွေကနေပြီတော့ ဒီလိုအလုပ်ရုံဆွေးနွေးပွဲတွေလုပ်လာ တယ်၊ အပြန်အလှန်ဆွေးနွေးမှုတွေလုပ်လာကြတယ်၊ အခုဆိုရင်အရင်ကထက်ပိုပြီး စိတ်ဝင်တစားရှိ လာတာကိုတွေ့ရတယ်” ဟု ပြောသည်။

ယင်းအလုပ်ရုံဆွေးနွေးပွဲကို သြဂုတ်လ ၄ ရက်နေ့တွင် မော်လမြိုင်မြို့ Strand Hotel ၌ပြုလုပ်ကျင်းပခဲ့ ပြီး ဂရုဏာစွမ်းရည်အဖွဲ့၊ မွန်ပြည်နယ်ရှိ လူမှုအခြေပြုအဖွဲ့အစည်းများ၊ National Enlightenment Institute -NEI သင်တန်းကျောင်းအဖွဲ့ဝင်မျာ စုစုပေါင်း လူဦးရေ ၁၀ဝ ကျော် တက်ရောက်ခဲ့ကြောင်း သိရသည်။

မွန်ပြည်နယ်လူမှုအဖွဲ့အစည်းကွန်ယက် တရားဝင်ဖြစ်မြောက်ရေးအတွက် ပထမခြေလှမ်းတစ်ရပ် ဖြစ်သည်။

About မွန်သတင်းအေဂျင်စီ

Check Also

၁၉၉၅ အပစ်ရပ် မွန်ပြည်သစ်နှင့် လက်ရှိ NCA အခင်းအကျင်း

၁၉၉၅ ခုနှစ် အပစ်အခတ်ရပ်စဲရေး ယခင် နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့(နဝတ) စစ်အစိုးရနှင့် မွန်ပြည်သစ်ပါတီ (NMSP) တို့ လက်မှတ် ရေးထိုးစရာမလိုဘဲ Gentleman Agreement လူကြီးလူကောင်းဆန်သော …

Leave a Reply

%d bloggers like this: