မွန်  ၊ အင်္ဂလိပ် ၊  Font

Breaking News
Home / သတင်း / ခရုဖျက်ဆီးမှုဒဏ်ကင်းသော်လည်း ပင်လယ်ဂဏန်းများ ဖျက်ဆီးဒဏ်ခံရ

ခရုဖျက်ဆီးမှုဒဏ်ကင်းသော်လည်း ပင်လယ်ဂဏန်းများ ဖျက်ဆီးဒဏ်ခံရ

ရေးသားသူ:

မင်းတော်လဝီ – မွန်ပြည်နယ် ပေါင်မြိုနယ်၏ မိုးစိုက်စပါးကို လျာထားချက်ဧကပြည့်မီရန် စပါးစိုက်ခင်းနှင့် ကြဲခင်းစိုက်ပျိုး နည်း စနစ်ကိုသုံး၍စိုက်ပျိုးကြရသည်။ပျိုးခင်းကွက်များတွင် ခရုနှင့်ပိုးမွှား ကျရောက်မှုမရှိသော်လည်း စပါးကြဲခင်း ကွက်များတွင် ပင်လယ်ဂဏန်းများ ဖျက်ဆီးမှုဒဏ်ရှိသည်ဟု ဒေသခံလယ်သမားများထံမှ သိရသည်။

“ပေါင်မြို့နယ်စိုက်ဧကအားလုံး၏သုံးပုံတစ်ပုံမှာကြဲခင်းဧကဖြစ်ပြီး ၄င်းဧကများရေနက်ကွင်းနှင့် ပင်လယ်ကမ်း စပ်လယ်မြေများဖြစ်လို့နှစ်စဉ် ကြဲခင်းစိုက်ပျိုးလေ့ရှိတယ်”ဟုပေါင်မြို့နယ် စိုက်ပျိုးရေးဝန်ထမ်း(အငြိမ်းစား) တဦး ကပြောသည်။

စိုက်ခင်းအတွက်ပျိုးခင်းထောင်ကွက်များတွင်ပြီးခဲ့သည်ခုနှစ်များတွင် Golden Apple Snail ခေါ်ခရုမျိုးသစ် တမျိုးဖျက်ဆီးမှုဒဏ်အနည်းငယ်ခံခဲ့ရပြီယခုနှစ်တွင်ပျိုးထောင်ကွက်များကိုအချိန်ပြောင်းလဲမှုနှင့်ကာကွယ်နှိမ် နင်းမှုများထိရောက်စွာဆောင်ရွက်နိုင်၍ ခရုများဖျက်ဆီးမှုဒဏ်ကင်းပြီး ယခုနှစ်ပျိုးခင်းကွက်များမှာ ကောင်းမွန် သည်ဟု ပေါင်မြို့နယ်စိုက်ပျိုး ရေး ဦးစီးဌာန ဝန်ထမ်းတဦးက ပြောသည်။

“ရေနက်လယ်နဲ့ ပင်လယ်ကမ်းစပ်နီးတဲ့နေရာတွေမှာ ဒေသမျိုးတွေ၊ကောက်ကြီးမျိုးတွေကြဲလိုက်တော့ စိုက် စ ရိတ်သက်သာတယ်၊နောက်ပြီရေနစ်ဒဏ်ခံနိုင်တယ်၊အပင်နူတုံးမှာပင်လယ်ဂဏန်းဖျက်ဆီးတတ်တယ်၊ လော လောဆယ်မှာစပါးကြဲခင်းအပင်နုတွေဂဏန်းကိုက်တာတော်တော်ခံနေရတယ်”ဟုပေါင်မြို့နယ်အလှပ်ရွာမှလယ် သမားတဦး ကပြောသည်။

အထူးသဖြင့် ပင်လယ်ကမ်းခြေနှင့် နီးစပ်သည့် အလှပ်ရွာ၊ဝဲပဒန်ရွာ၊ကော့ကရင်ရွာ၊ဆင်ရွာ၊အုန်းနှစ်ပင်ရွာများမှ ပျိုးခင်း နှင့်ကြဲခင်းတွေမှာ ခရုဖျက်ဆီးဒဏ်မှ ကင်းဝေးသွားပေမယ့်ကြဲခင်းမှာဖေါင်စီးဂဏန်းခေါ်သည့် လယ်ဖျက် ဂဏန်းများ၏ဖျက်ဆီးဒဏ်ခံနေရသည်။ဒီရေအတက်အကျနှင့်ပါလာ၍နှိမ်နင်းဖို့မလွယ်လှဟု၄င်းဒေသလယ်သ မားများထံမှ သိရသည်။

ထိုနည်းတူစွာမွန်ပြည်နယ် ချောင်းဆုံမြို့နယ် ကော့မုပွန်၊ဟင်္သာကျွန်းနှင့်ကညှော်၊နတ်မှော်ရွာများတွင် ယခင်နှစ် များက Golden Apple Snail ခရုမျိုးကျရောက်ခဲ့ပြီးယခုနှစ်ပျိုးခင်းကွက်များတွင် အဖျက်အဆီးမရှိဟုချောင်းဆုံး မြို့နယ် စိုက်ပျိုးရေးဦးစီးမှုူးထံမှ သိရှိရသည်။

“ခရုမျိုးကိုကာကွယ်မှုနဲ့နှိမ်နင်းမှုနှစ်နည်းကိုသုံးတယ်။ကာကွယ်နည်းကတော့ပျိုးကွက်ကိုနွေထယ်ရေးခံတယ်၊ စောပြီးပျိုးထောင်လိုက်တယ်၊နှိမ်နင်းတာက ဥတွေအကောင်တွေဖျက်ဆီးပစ်တယ်၊ သြဘာကုမ္ပဏီက Snailcide ခရုသတ် ဆေးမှုန့်ကိုရေနဲ့ရောပြီး အပင်တွေမှာဖျန်းလိုက်တယ်”ဟု ဦးစီးမှူးကပြောသည်။

ပေါင်မြို့နယ်စိုက်ပျိုးရေးဦးစီးဌာနမှ ဝန်ထမ်းတဦးပြောပြချက်အရ ထိုင်းနိုင်ငံမှပန်းရောင် ကရုသတ်ဆေးမှုန့် တစ် ထုပ်တန်ဖိုး၆၀ဝ၀ကျပ်ဆေးမှုန့်တမျိုးကိုလယ်ကန်သင်းပေါ်မှာသင်္ဘောရွက်ခင်းပြီး၄င်းဆေးမှုန့်ကိုပုံထားလျှုင် ခရု ကောင်များလာရောက်စားပြီး သေဆုံးကုန်သည် ဟုပြောသည်။

သို့သော်ချောင်းဆုံမြို့နယ်ပင်လယ်ကမ်းစပ်နီးရှိရွာများတွင်စပါးပျိုးခင်းနှင့် ကြဲခင်းများမှာ လယ်ဖျက်ပင်လယ် ဂဏန်း ကျရောက်မှုမရှိသေးဟု သိရသည်။

ပေါင်မြို့နယ်တွင် ၂၀၁၃ခုနှစ် မိုးစပါးစိုက်ဧကပေါင်း (၁၂၆၈၅၄ )စိုက်ပျိုးရန်လျာထာပြီ ပျိုးထောင်မှုအခြေအနေ များပြီးစီးနေပြီဖြစ်သော်လည်းစိုက်ပျိုးပြီးစီးမှုမှာဧကတစ်သောင်းကျော်စိုက်ပျိုးပြီးစီးသည်ဟုစီမံကိန်းဝန်ထမ်းတ ဦးက ပြော သည်။

မွန်ပြည်နယ်အတွင်းရှိမြို့နယ်(၁၀)မြို့နယ်သည်အများအားဖြင့်ပင်လယ်ကမ်းရိုးတန်းတလျှောက်တွင်တည်ရှိနေသလိုလယ်မြေများသည်လည်းပင်လယ်ကမ်းစပ်တလျှေက်တွင်ဧကများစွာတည်ရှိနေသည်။သို့သော်ပင်လယ် ကမ်း ရိုးတန်းတွင်မတည်ရှိသည့်မြို့နယ်မှာကျိုက္မရောမြို့နယ်ဖြစ်ပြီး ၄င်းမြို့နယ်ရှိလယ်မြေမျာသည်လည်း ပင် လယ်ကမ်းခြေနှင့် အလှမ်းကွာဝေးနေ၍ ပင်လယ်ဂဏန်းဖျက်ဆီးမှုမှလွတ်ကင်းသည်ဟု သိရသည်။

About မွန်သတင်းအေဂျင်စီ

Check Also

ပါတီသစ်ဖွဲ့သင့်မသင့် မွန်တို့၏သဘောထားများကို ဆက်လက်ကောက်ခံမည်

မွန်အမျိုးသားကိုယ်စားပြုပါတီသစ်တစ်ခု ထပ်မံဖွဲ့စည်းတည်ထောင်ရန် သင့်/မသင့်ကိစ္စကို မွန်ပြည်သူများ၏ သဘောထားမှတ်ချက်များကို လာမည့်ဒီဇင်ဘာလကုန်အထိ ဆက်လက်ကောက်ခံသွားမည်ဖြစ်ကြောင်း မွန်ပါတီသစ်တည်ထောင်ရေးလှုပ်ရှားနေသူ ဒေါက်တာအောင်နိုင်ဦးက ဇူလိုင် ၂၂ ရက်နေ့တွင် ပြောကြားလိုက်သည်။ Related

Leave a Reply

%d bloggers like this: