မွန်  ၊ အင်္ဂလိပ် ၊  Font

Breaking News
Home / သတင်း / လိုင်စင်မဲ့စက်တပ်ယာဉ်များ မော်လမြိုင်တွင် စတင်ဖမ်းဆီးတော့မည်

လိုင်စင်မဲ့စက်တပ်ယာဉ်များ မော်လမြိုင်တွင် စတင်ဖမ်းဆီးတော့မည်

ရေးသားသူ: >

မင်းသုတ – လာမည့်တနင်္ဂနွေနေ့မှစ၍ မွန်ပြည်နယ်၊ မော်လမြိုင်မြို့ပေါ်ရှိ လိုင်စင်မဲ့မော်တော်ယာဉ်များနှင့် မော်တော်ဆိုင်ကယ်များအား ဖမ်းဆီးအရေးယူတော့မည်ဟု သိရသည်။

မော်လမြိုင်မြို့နယ် အထွေထွေအုပ်ချုပ်ရေး ဦးစီးဌာန ၊ ရွှေမြိုင်ခန်းမ၌ နိုဝင်ဘာလ ၁၁ ရက်နေ့တွင် လိုင်စင်မဲ့စက်တပ်ယာဉ်များနှင့်ပတ်သက်သော အစည်းအဝေးတစ်ရပ်ကျင်းပခဲ့ရာ မော်လမြိုင်ခရိုင် ရဲတပ်ဖွဲ့မှူး၊ မော်လမြိုင်မြို့နယ်အုပ်ချုပ်ရေးမှူးနှင့် စခန်းမှူးများ၊ ရပ်ကွက်၊ကျေးရွာအုပ်ချုပ်ရေးမှူးများနှင့် သတင်းမီဒီယာသမားများတက်ရောက်ခဲ့သည်ဟု မော်လမြိုင်မြို့ခံ သတင်းထောက်တစ်ဦးက ပြောသည်။

မဲဆောက်မြို့တစ်နေရာမှ မြန်မာပြည်သို့ဝင်ရောက်မည့်မော်တော်ကားများ(Internet)
၄င်းက “ ကိုယ့်နယ်မြေမှာရှိတဲ့ လိုင်စင်မဲ့မော်တော်ကားနဲ့ ဆိုင်ကယ်တွေကို ရပ်ကွက်၊ကျေးရွာအုပ်ချုပ်ရေးမှူးတွေက တဆင့် ရဲကိုအချိန်မီသတင်းပေးပို့ပြီး ဖမ်းဆီးသွားမယ်လို့ဆိုပါတယ်၊ ဥပဒေနဲ့မညီတဲ့လုပ်ငန်းတွေကို အုပ်ချုပ်ရေးမှူးတွေနဲ့ ရာအိမ်မှူး၊ ဆယ်အိမ်မှူးတွေပူးပေါင်းဖေါ်ထုတ်ပေးဖို့လည်း ပါတယ်” ဟုပြောသည်။

“ လိုင်စင်မဲ့မော်တော်ဆိုင်ကယ်တွေကတော့ သိပ်ကိုနည်းသွားပါပြီ၊ အခုလဆန်းပိုင်းမှာပဲ မော်တော်ဆိုင်ကယ်လိုင်စင်လုပ်တာ ရပ်ဆိုင်းလိုက်တယ်” ဟု မော်လမြိုင်မှ ဆိုင်ကယ်ပွဲစားတစ်ဦးက ပြောသည်။

လိုင်စင်မဲ့မော်တော်ဆိုင်ကယ်များအား ၅ လအကြာ တစ်နိုင်ငံလုံးအတွက် တရားဝင်လိုင်စင်ပြုပေးသည့်စီမံချက်သည်လည်း လွန်ခဲ့သည့်နိုဝင်ဘာလ ၄ ရက်နေ့တွင် ပြီးဆုံးခဲ့ပြီး ဖြစ်သည်။

ထို့အပြင် မော်လမြိုင်မြို့မြို့နယ် အုပ်ချုပ်ရေးမှူးက ၁၈-၁၁-၂၀၁၂ ရက်နေ့တွင် လိုင်စင်မဲ့စက်တပ်ယာဉ်များအား ဖမ်းဆီး အရေးယူ ဆောင်ရွက်မည့် အခြေအနေများကို မိမိရပ်ကွက်နေပြည်သူများ သိရှိလိုက်နာကြရန် ရပ်ကွက်/ကျေးရွာအုပ်ချုပ်ရေးမှူးများက ကြော်ငြာအသိပေးသွားရန် ဆက်လက်မှာကြားခဲ့သည်။

“၂၀ဝ၄ ကာလဝန်းကျင်လိုပဲ ကားကိုဖမ်းသိမ်းမယ်လို့ ပြောနေကြတာပဲ၊ နောက်တစ်ခုက အခွန်ဒဏ်ကြေးတွေဆောင်ရမယ်လို့လည်း ပြောနေကြတယ်၊ တိတိကျကျပြောရရင် ဖမ်းဆီးမယ်ဆိုတာက သေချာနေတယ်၊ ဒါပေမယ့် အခန့်မသင့်ရင် ပို့ကုန်သွင်းကုန် ဥပဒေနဲ့အရေးယူခံရနိုင်တယ်” ဟု မော်လမြိုင်မှ ကားပွဲစားရောင်းဝယ်နေသူ ကိုဇော်ဇော်က ပြောသည်။

လွန်ခဲ့သည့် အောက်တိုဘာ ၃၁ ရက်နေ့တွင် မွန်ပြည်နယ်၊ ကျိုက်ထိုရဲစခန်းမှ လိုင်စင်မဲ့မော်တော်ယာဉ် ၃ စီး ဖမ်းဆီးရမိပြီး အဆိုပါယာဉ်မောင်း ၃ ဦးတို့အား ပို့ကုန်/ သွင်းကုန် ဥပဒေ ပုဒ်မ ၈ /၁ဝ အရ အရေးယူထားကြောင်း မြန်မာ့တပ်မတော်၏ မြဝတီသတင်းတွင် ဖေါ်ပြခဲ့သည်။

လိုင်စင်မဲ့စက်တပ်ယာဉ်များအား ထိရောက်စွာအရေးယူနိုင်ရန်အတွက် အဖွဲ့စုံစစ်ဆေးရေးအဖွဲ့တွင် အကောက်ခွန်၊ ကညနဌာနအရာရှိများအပြင် သတင်းမီဒီယာသမားများလည်း ပါဝင်မည်ဟုသိရသည်။

လက်ရှိတွင် ထိုင်းနိုင်ငံမှ တရားမဝင်နည်းလမ်းဖြင့် ပြည်တွင်းသို့ဝင်ရောက်ခဲ့သော မော်တော်ယာဉ်အစီးရေ တစ်သောင်းကျော်ရှိနေပြီဟု နယ်စပ်ကားအရောင်းအဝယ်လောကမှ ပြောဆိုနေကြသည်။

About မွန်သတင်းအေဂျင်စီ

Check Also

ကမာကေး-တော်ပကောက် လမ်းပြုပြင်မည့်ဘတ်ဂျက်ငွေမလုံလောက်

မွန်ပြည်နယ်၊ ဘီလူးကျွန်းရှိ ကမာကေး-တော်ပကောက်လမ်းအမြန်ဆုံးပြုပြင်နိုင်ရန် ၂၀၁၇-၁၈ ခုနှစ် ကျေးလက်ဦးစီးဌာနများ၏ ဘတ်ဂျက်ငွေများ လျှော့ချလိုက်သည့်အတွက် ဘတ်ဂျက်ငွေ မလုံလောက်ဖြစ်နေကြောင်း ချောင်းဆုံမြို့နယ်၊ စည်ပင်သာယာရေးကော်မတီမှ သတင်းရရှိသည်။ Related

%d bloggers like this: