မွန်  ၊ အင်္ဂလိပ် ၊  Font

Breaking News
Home / သတင်း / တက္ကသိုလ်ဝင်စာမေးပွဲဝင်ခွင့် လျှောက်လွှာကြေး အပိုကောက်ခံ

တက္ကသိုလ်ဝင်စာမေးပွဲဝင်ခွင့် လျှောက်လွှာကြေး အပိုကောက်ခံ

ရေးသားသူ:

အဇာတာ – ထိုင်း-မြန်မာနယ်စပ်၊ ဘုရားသုံးဆူမြို့ရှိ အစိုးရအထက်တန်းကျောင်းတွင် ၂၀၁၃ ခုနှစ် တက္ကသိုလ်ဝင်တန်းစာမေးပွဲဝင်ခွင့်လျှောက်လွှာ အပိုငွေများကောက်ခံခဲ့ကြောင်း ကျောင်းသားမိဘများထံမှ သိရသည်။

ဘုရားသုံးဆူမြို့အထက ပညာရည်ချွန် ဆုပေးပွဲအခမ်းအနား(Photo- ဘုရားသုံးဆူ)
ကရင်ပြည်နယ် ကြားအင်းဆိပ်ကြီးမြို့တွင် တက္ကသိုလ်ဝင်တန်း လျှောက်လွှာကြေးတစ်စုံအတွက် မြန်မာငွေ ၂၅၀ဝ- ကျပ်နှုန်းပေးသွင်းကြရသော်လည်း ဘုရားသုံးဆူမြို့နယ်ခွဲတွင် မြန်မာကျပ်ငွေ ၇၀ဝ၀-တန်ဖိုးနှင့်ညီမျှသော ထိုင်းဘတ်ငွေ ၂၅၀ ကောက်ခံခဲ့ခြင်း ဖြစ်သည်။

“ကျောင်းက ဒီတနင်္ဂနွေနေ့ဆို ကြာအင်းဆိပ်ကြီးကို လျှောက်လွှာသွားတင်ကြတော့မယ်လို့ပြောတယ်၊ မနေ့ကအပြီးပေးသွင်းခဲ့ပြီးပြီ” ဟု ကျောင်းသားမိဘတစ်ဦးက ပြောသည်။

တက္ကသိုလ်ဝင်တန်းလျှောက်လွှာများကို ဘုရားသုံးဆူမြို့မှ ကြာအင်းဆိပ်ကြီးမြို့သို့ သွားရောက်ပေးပို့ရသည့်အတွက် လမ်းခရီးဝန်ဆောင်ခစရိတ်ပါ အပိုကြေးငွေကောက်ခံခြင်းဖြစ်သည်ဟုလည်း ပညာရေးဝန်ထမ်းတစ်ဦးက ပြောသည်။

အဆိုပါလျှောက်လွှာများကို နေပြည်တော်ရုံးအမှတ် ၅၂- မြန်မာနိုင်ငံစာစစ်(ရုံးချုပ်) နှင့် ရန်ကုန်မြို့၊ လှိုင်တက္ကသိုလ်ရှိ မြန်မာနိုင်ငံစာစစ်အဖွဲ့(ဇွဲကပင်ဆောင်)၌ ယခုလစက်တင်ဘာ ၃ ရက်နေ့မှစတင်ရောင်းချခဲ့ပြီး လျှောက်လွှာပိတ်ရက်မှာ ယခုလ ၂၈ ဖြစ်သည်ဟု သတင်းစာများတွင် ရေးသားဖေါ်ပြခဲ့သည်။

ဘရားသုံးဆူမြို့ အထကတွင် ယခုနှစ်တက္ကသိုလ်ဝင်တန်းဖြေဆိုမည့် ကျောင်းသားဦးရေ ၈၀ ကျော်ရှိသည်။

About မွန်သတင်းအေဂျင်စီ

Check Also

၁၉၉၅ အပစ်ရပ် မွန်ပြည်သစ်နှင့် လက်ရှိ NCA အခင်းအကျင်း

၁၉၉၅ ခုနှစ် အပစ်အခတ်ရပ်စဲရေး ယခင် နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့(နဝတ) စစ်အစိုးရနှင့် မွန်ပြည်သစ်ပါတီ (NMSP) တို့ လက်မှတ် ရေးထိုးစရာမလိုဘဲ Gentleman Agreement လူကြီးလူကောင်းဆန်သော …

%d bloggers like this: