မွန်  ၊ အင်္ဂလိပ် ၊  Font

Breaking News
Home / သတင်း / မွန်ဒီမိုကရေစီပါတီ၊ပေါင်မြို့နယ်အလုပ်အမှုဆောင်အဖွဲ့ ဖွဲ့စည်းပြီး

မွန်ဒီမိုကရေစီပါတီ၊ပေါင်မြို့နယ်အလုပ်အမှုဆောင်အဖွဲ့ ဖွဲ့စည်းပြီး

ရေးသားသူ: >

နဒီမွန် – မွန်ဒီမိုကရေစီပါတီ MDP ၊ ပေါင်မြို့နယ် အလုပ်အမှုဆောင်အဖွဲ့ကို သံဃာတော်တို့အား ဆွမ်းကျွေးအခမ်းအနားတစ်ရပ်ပြုလုပ်၍ ယနေ့တွင် ရွေးချယ်ဖွဲ့စည်းခဲ့ပြီး ဖြစ်သည်။

မွန်ဒီမိုကရေစီပါတီရုံးချုပ်ဆိုင်းဘုတ်တင်ပွဲ
ယင်းအခမ်းအနားကို ပေါင်မြို့ ၊ မဂ္ဂင်လမ်းနေ နိုင်ကျော်သိန်းနေအိမ်၌ နံနက် ၉ နာရီအချိန်မှ နေ့လည်ပိုင်းအထိကျင်းပခဲ့ရာ ပေါင်မြို့ပေါ်ရှိ အမျိုးသားဒီမိုကရေစီအဖွဲ့ချုပ် (NLD) ၊ တစည၊ ပြည်ခိုင်ဖြိုးပါတီတို့နှင့် စိတ်ပါဝင်စားသူသုံးရာနီးပါးခန့် တက်ရောက်ခဲ့သည်ဟု သိရသည်။

သဘာပတိအဖြစ်မွန်ဒီမိုကရေစီပါတီဒု-ဥက္ကဌ(၂) နိုင်တင်အောင်၊ အဖွဲ့ဝင်များအဖြစ် အထွေထွေအတွင်းရေးမှူး ဒေါက်တာမင်းစိုးလင်း ၊ တွဲဖက်အတွင်းရေးမှူး(၁) ဒေါက်တာမင်းကြည်ဝင်း ၊ ဗဟိုအလုပ်မှုဆောင်အဖွဲ့ဝင် နိုင်လယီတမနှင့် နိုင်စိုးမြင့်တို့နှင့် အခမ်းအနားမှူးအဖြစ် နိုင်ဟံသာဝန်က ဆောင်ရွက်သည်။

“သဘာပတိက လက်ရှိနိုင်ငံရေးအခြေအနေနဲ့ မွန်ဒီမိုရဲ့နိုင်ငံရေးလမ်းစဉ်အကြောင်းတွေကိုရှင်းပြပါတယ်၊ ပါတီနှစ်ဖွဲ့ပေါင်းစည်းရေးအခြေအနေကို မေးမြန်းပြောဆိုတာမရှိပါဘူး” ဟု မွန်ဒီမိုကရေစီပါတီအဖွဲ့ဝင် နိုင်ထောရော့က ပြောသည်။

မွန်ဒီမိုကရေစီပါတီနှင့် မွန်ဒေသလုံးဆိုင်ရာဒီမိုကရေစီပါတီ AMDP တို့အမြန်ဆုံးပူးပေါင်းသွားနိုင်ရန် မွန်ပြည်သူများ အထူးစိတ်ဝင်စားနေကြသော်လည်း ယခုအခမ်းအနားတွင် မေးမြန်းသူမရှိဟု သိရသည်။

ပေါင်မြို့နယ်အလုပ်အမှုဆောင် ၁၉ ဦးအနက် ဥက္ကဌအဖြစ် နိုင်အုန်းမြိုင်နှင့် အထွေထွေအတွင်းရေးမှူးနိုင်မြင့်ဦးတို့ကို အခမ်းအနားတွင် တင်မြှောက်ကြသည်။

အလားတူ သံဖြုဇရပ်၊ မုဒုံနှင့် သထုံမြို့တို၌ မြို့နယ်အလုပ်အမှုဆောင်အဖွဲ့ကို ရွေးချယ်ဖွဲ့စည်းခဲ့ပြီး လက်ရှိ မွန်ဒီမိုကရေစီပါတီဝင် သုံးထောင်ခန့်ရှိပြီဟု သိရသည်။

“မနက်ဖြန်ဖားအံမြို့နယ်အတွက် ဇာသပြင်ရွာမှာသွားဖွဲ့မယ် ၊ လာမယ့်၂၄ ရက်နေ့မှာခေါ်ဇာမြို့နယ်ခွဲနဲ့ ၂၉ ရက်နေ့ကျယင် ကြာအင်းဆိပ်ကြီးမြို့နယ်အတွက် တောင်ပေါက်ရွာမှာ ကျနော်တို့သွားဖွဲ့စည်းမယ်” ဟု နိုင်စိုးမြင့်က ပြောသည်။

နေပြည်တော်ရွေးကောက်ပွဲကော်မရှင်၏ ကြေညာချက်အမှတ်(၃၄/၂၀၁၂)အရ လာမည့်အောက်တို ဘာ ၁၀ ရက်နေ့မတိုင်မီတွင် မွန်ဒီမိုကရေစီပါတီက အနည်းဆုံးပါတီဝင်အင်အားစာရင်းတစ်ထောင်ကို ရွေးကောက်ပွဲကော်မရှင်ထံတင်ပြရမည်ဖြစ်သည်။

မွန်ဒီမိုကရေစီပါတီအမည်သစ်ပြောင်းခဲ့သော ၁၉၉၀ ရွေးကောက်ပွဲဝင် မွန်အမျိုးသားဒီမိုကရေစီအဖွဲ့ သည် ယခင်ပါတီဝင်ဦးရေ သောင်းဂဏန်းနှင့်ချီ၍ရှိခဲ့သည်။

About မွန်သတင်းအေဂျင်စီ

Check Also

မွန်အမျိုးသားပါတီဝင်အချို့ကို ထုတ်ပယ်ခြင်းမရှိသေးဟုဆို

မွန်အမျိုးသားပါတီ MNP ဗဟိုဌာနချုပ်နှင့် အချိန်ကာလကြာအဆက်ပြတ်နေသည့် ဗဟိုအလုပ်မှုဆောင်အချို့အပါအဝင် ပါတီဝင် (၆) ဦးတို့အား ဆက်လက်တာဝန်ထမ်းဆောင်လိုခြင်းရှိမရှိ သဘောထားဆန္ဒတောင်းခံထားဆဲဖြစ်ပြီး ပါတီမှထုတ်ပယ်ခြင်းကို မဆုံးဖြတ်ရသေးကြောင်း MNP)အထွေထွေအတွင်းရေးမှူး နိုင်လယီတမက ပြောသည်။ …

%d bloggers like this: