မွန်  ၊ အင်္ဂလိပ် ၊  Font

Breaking News
Home / သတင်း / ဘုရားသုံးဆူမြို့၌ ကရင်နယ်ခြားစောင့် အရာရှိတစ်ဦးပစ်သတ်ခံရ

ဘုရားသုံးဆူမြို့၌ ကရင်နယ်ခြားစောင့် အရာရှိတစ်ဦးပစ်သတ်ခံရ

ရေးသားသူ:

မင်းသုတ – ထိုင်းမြန်မာနယ်စပ်၊ ဘုရားသုံးဆူမြို့၊ ဥဒေါင်းကန်မြောက်ဘက်၌ ကရင်နယ်ခြားစောင့်အရာရှိတစ်ဦးယမန်ညပိုင်းတွင် သေနတ်ဖြင့်ပစ်သတ်ခံရပြီးပွဲချင်းပြီးသေဆုံးခဲ့သည်။

ကရင်နယ်ခြားစောင့်တပ်ဖွဲ့(Photo-KIC)
ယမန်နေ့ည ၉ နာရီကျော်တွင် ဥဒေါင်းကန်အနီးပွဲခင်း၌နယ်ခြားစောင့်တပ်ဖွဲ့ဝင်အချင်းချင်းကြား စကားများကြရာမှ ကရင်နယ်ခြားစောင့်တပ်မှ ဗိုလ်မှူးရဲနိုင်သည် သေနတ်ဖြင့် ပစ်ခတ်ခံရပြီးသေဆုံးခဲ့သည်ဟုမျက်မြင်များကပြောသည်။

ဘုရားသုံးဆူမြို့မှ အမည်မဖေါ်လိုသောရဲအရာရှိတစ်ဦးက“တိုင်းရင်းသားလက်နက်ကိုင်တပ်ဖွဲ့ကိစ္စဖြစ်နေတာ့ ကျနော်တို့အနေနဲ့ ဘာမှမပြောလိုပါဘူး၊ သူတို့ကိစ္စ သူတို့ပဲကိုင်တွယ်ဖြေရှင်းရပါမယ်၊” ဟုပြောသည်။

ဒေသခံကရင်အမျိုးသားအစည်းအရုံး (KNU) အရာရှိတစ်ဦးကယင်းအငြင်းပွားပစ်ခတ်မှုသည်မူးယစ်ဆေးဝါးနှင့် ဆက်နွှယ်နိုင်ကြောင်းထင်မြင်ချက်ပေးသည်။

၎င်းက “သူတို့ကစောနော်တရာ(ဒီကေဘီအေ)ရဲ့တပည့်တွေဖြစ်ခဲ့တယ်၊ တပ်ကနေထုတ်ပယ်ထားတဲ့လူတွေလို့ ကျနော်တို့သိထားတယ်၊ မူးယစ်ဆေးဝါးတွေနဲ့ပတ်သက်ပြီးသူတို့နာမည်ထွက်နေတယ်” ဟုပြောသည်။

ဘုရားသုံးဆူဒေသဝန်းကျင်တဝိုက်တွင် ကရင်အမျိုးသားအစည်းအရုံး (KNU), တိုးတက်သောကရင်အမျိုးသားဗုဒ္စဘာသာတပ်မတော် DKBA, မွန်ပြည်သစ်ပါတီNMSP, နယ်ခြားစောင့်တပ်ဖွဲBGF, ကရင်ငြိမ်းချမ်းရေးကောင်စီ (KNU/KNLA-PC)စသည့် တပ်ဖွဲ့များလှုပ်ရှားလျှက်ရှိသည်။

ထို့အပြင် နိုင်ထွန်းခေါင်းဆောင်သောပြန်ပေးဆွဲသည့်အဖွဲ့သည်လည်းယင်းဒေသတွင် အနီးတဝိုက်တွင်ကျက်စားလှုပ်ရှားနေပြီးယခုနှစ် ဖေဖော်ဝါရီလမှ ယခုလအထိဘုရားသုံးဆူမြို့ထဲတွင်ပြန်ပေးဆွဲမှု နှစ်ကြိမ်ဖြစ်ပွားခဲ့သည်။

ယင်းဘုရားသုံးဆူနယ်စပ်လမ်းကိုထိုင်းနိုင်ငံသို့ မူးယစ်ဆေးဝါးတင်သွင်းသည့် လမ်းကြောင်းတစ်ခုအဖြစ် ထိုင်းအာဏာပိုင်တို့သတ်မှတ်ထားပြီးယင်းဒေသရှိနယ်ခြားဖြတ်ကျော်မှုကိုအထူးတင်းကြပ်ထားလေ့ရှိသည်။

About မွန်သတင်းအေဂျင်စီ

Check Also

မုဒုံမြို့နယ် အမှတ် ၁ မဲဆန္ဒနယ် ပြည်နယ်လွှတ်တော်ကိုယ်စားလှယ်အား ဒေသခံ ၁၀ဝ ခန့် ဆန္ဒထုတ်ဖော်

မွန်ပြည်နယ် မုဒုံမြို့နယ် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဒေါ်မြသိင်္ဂီမော်အား ကျေးရွာအုပ်ချုပ်ရေးမှူးထုတ်ပယ်ရခြင်းနှင့်ပတ်သက်၍ မှိန်ဂနိမ်းကျေးရွာ၌ ဒေသခံ ၁၀ဝ ခန့်တို့က စက်တင်ဘာလ ၂၁ ရက်နေ့ နံနက် …

%d bloggers like this: