မွန်  ၊ အင်္ဂလိပ် ၊  Font

Breaking News
Home / သတင်း / ကြိုတင်မဲကောက်ရာတွင် မွန်ပါတီကိုယ်စားလှယ်လောင်းများ ကြည့်ရှုခွင့်မရ

ကြိုတင်မဲကောက်ရာတွင် မွန်ပါတီကိုယ်စားလှယ်လောင်းများ ကြည့်ရှုခွင့်မရ

ရေးသားသူ:

ဂျူရီချိုင်း – မော်လမြိုင်မဲဆန္ဒနယ်၌ ကြိုတင်မဲကောက်ခံရာတွင် ရွေးကောက်ပွဲကော်မရှင်က ပါတီကိုယ်စားလှယ်လောင်းများအား ၀င်ရောက်ကြည့်ရှု့ခွင့် မရှိဟု မွန်ဒေသလုံးဆိုင်ရာဒီမိုကရေစီပါတီက သိရသည်။

ကြိုတင်မဲများကို ဝင်ရောက်ပြိုင်မည့် ပါတီတစ်ခုစီက ကိုယ်စားလှယ်နှစ်ဦးစီ ကြည့်ရှုရန် ရွေးကောက်ပွဲ ကော်မရှင်က ပြောဆိုထားသော်လည်း ကြိုတင်မဲမကောက်ခံမီ တစ်ရက်အလိုက ပါတီကိုယ်စားလှယ်လောင်းများ လိုက်ခွင့်မရှိကြောင်း ရွေးကောက်ပွဲကော်မရှင်က ထပ်မံပြောသည်ဟု မွန်ပါတီက ရွေးကောက်ပွဲ အောင်နိုင်ရေး ဥက္ကဌနိုင်အောင်ချမ်းက ဆိုသည်။

“ ကြိုတင်မဲ ကောက်ခံတဲ့နေရာမှာ ပါတီကိုယ်စားလှယ်လောင်းတွေက လိုက်လို့ မရတဲ့အတွက် တရားမျှတမှုရှိတဲ့ ကြိုတင်မဲတွေ မဖြစ်နိုင်တော့ဘူး” ဟု ၎င်းက ပြောသည်။

ကြိုတင်မဲနှင့် ပတ်သက်၍ ယနေ့မနက် ၉ နာရီတွင် ကော်မရှင်ရုံးသို့ သွားရောက်စဉ် ၎င်းမဲများအား ဖြည်ကြည့်ခွင့် မရကြောင်းနှင့် တစ်ပေကျော်ခန့်ရှိသည့်အိတ်နှင့် ကြိုတင်မဲများကို ထည့်သွင်းထားသည်ကိုသာ တွေ့မြင်ခဲ့သည်ဟု နိုင်အောင်ချမ်းက ဆက်ပြောသည်။

ကြိုတင်မဲကို ဧပြီလ-၁ရက်နေ့ ညနေ ၄ နာရီမှစ၍ မဲပေးမည့်မဲရုံများတွင် ကော်မရှင်က ဖောက်ပြမည်ဖြစ်ပြီး လာရောက်ကြည့်ရှုရန် ပါတီကိုယ်စားလှယ်လောင်းများအား ပြောဆိုခဲ့သည်ဟု သိရသည်။

မတ်လ ၃၀၊ ၃၁ ရက် နှစ်ရက်၌ ကြိုတင်မဲများကို သတ်မှတ်အချိန်အတိုင်း သက်ဆိုင်ရာ ကော်မရှင်နှင့် ကျေးရွာ၊ ရပ်ကွက်လူကြီးထံတွင် မဲပေးနိုင်သည်ဟု ရွေးကောက်ပွဲကော်မရှင်က ထုတ်ပြန်ထားသည်။

မော်လမြိုင်မြို့နယ် ပြည်သူ့လွှတ်တော်လစ်လပ်မဲဆန္ဒနယ်တွင် အမျိုးသားဒီမိုကရေစီအဖွဲ့ချုပ် (NLD) ၊ မွန်ဒေသလုံးဆိုင်ရာ ဒီမိုကရေစီပါတီ၊ တိုင်းရင်းသားစည်းလုံးညီညွှတ်ရေးပါတီ (တစည) နှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက ကိုယ်စားလှယ်လောင်းများ ဝင်ရောက်ယှဉ်ပြိုင်ကြမည်ဖြစ်သည်။

About မွန်သတင်းအေဂျင်စီ

Check Also

အိမ်ကြီးပေါ်အိမ်ငယ်ဆောက်သဖြင့် ပါတီတွင်းသဘောထားကွဲနေဟု ဒေါက်တာမင်းစိုးလင်းဝေဖန်

မွန်အမျိုးသားပါတီ MNP ပါတီတွင်း အိမ်ကြီးပေါ်အိမ်ငယ်ဆောက်ထားသဖြင့် သဘောထားများကွဲနေပြီး မိမိသည်လည်း ပါတီမှထုတ်ပယ်ခံလိုက်ရကြောင်း ရေးမြို့နယ် အမှတ်(၁) မဲဆန္ဒနယ်မြေ လွှတ်တော်ကိုယ်စားလှယ် ဒေါက်တာမင်းစိုးလင်းက ဇူလိုင်လ ၂၀ ရက်နေ့တွင် …

%d bloggers like this: