မွန်  ၊ အင်္ဂလိပ် ၊  Font

Breaking News
Home / သတင်း / မဲပေးခွင့်ရှိသည့် ကျောင်းဆရာ/ဆရာမများ ကြိုတင်မဲထည့်ရန် ကော်မရှင်ခွင့်မပြု

မဲပေးခွင့်ရှိသည့် ကျောင်းဆရာ/ဆရာမများ ကြိုတင်မဲထည့်ရန် ကော်မရှင်ခွင့်မပြု

ရေးသားသူ:

ဂျူရီချိုင်း – မော်လမြိုင် မဲဆန္ဒနယ်မှ အခြေခံပညာအထက်တန်းကျောင်း ဆရာ/ဆရာမများမှ ကြိုတင်မဲထည့်ရန် လျှောက်တင်ထားသော်လည်း ရွေးကောက်ပွဲ ကော်မရှင်မှ ခွင့်မပြုကြောင်း မွန်ပါတီ ရွေးကောက်ပွဲအောင်နိုင်ရေး ဥက္ကဌက ပြောသည်။

မဲပေးမည့်ရက်တွင် မော်လမြိုင်မြို့ပေါ်ရှိ အ.ထ.က အမှတ် (၆၊ ၈၊ ၉) စသည့် စာသင်ကျောင်းမှ ဆရာ/ဆရာမ (၄၀) ဦးက ဧပြီလ (၁) ရက်နေ့တွင် ရန်ကုန်မြို့သို့ တက္ကသိုယ်ဝင်တန်း စာစစ်သွားရန်အတွက် ကြိုတင်မဲထည့်ရန် လျှောက်တင်ထားသည်ကို ရွေးကောက်ပွဲကော်မရှင် ဥက္ကဌက ခွင့်မပြုကြောင်း နိုင်အောင်ချမ်းက ပြောသည်။

ကြိုတင်မဲထည့်ရန် ပြီးခဲ့သည့် နှစ်ပတ်က ဆရာ/ဆရာမများက ရွေးကောက်ပွဲကော်မရှင်ထံ စာဖြင့် လျှောက် တင်ထားခဲ့ခြင်းသည်။

မဲပေးမည့်ရက်တွင် ဆရာ/ဆရာမများက မဖြစ်မနေ ခရီးသွားမည့်သူများ မဟုတ်ကြောင်း မဲပေးပြီး နောက်ရက်များမှာလည်း ခရီးသွားနိုင်မည့် အခြေအနေရှိနေခြင်းကြောင့် ကော်မရှင်က ခွင့်မပြုနိုင်ဟု မော်လမြိုင် မဲဆန္ဒနယ်တွင် ဝင်ရောက်ယှဉ်ပြိုင်မည့် NLD ပါတီ ကိုယ်စားလှယ်လောင်း ဒေါ်ခင်ဌေးကြွယ်က ပြောသည်။

ပြည်သူ့လွှတ်တော် လစ်လပ်မဲဆန္ဒနယ် တစ်နေရာဖြစ်သည့် မော်လမြိုင်မဲဆန္ဒနယ်တွင် အမျိုးသား ဒီမိုကရေစီပါတီ (NLD) ၊ မွန်ဒေသလုံးဆိုင်ရာ ဒီမိုကရေစီပါတီ၊ တိုင်းရင်းသားစည်းလုံး ညီညွှတ် ရေးပါတီ (တစည) နှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီတို့ ဝင်ရောက် ယှဉ်ပြိုင်ကြ မှာဖြစ်သည်။

လွတ်လပ်သောမွန်သတင်းအေဂျင်စီမှ ထိုကိစ္စအား စုံစမ်းရန် မွန်ပြည်နယ် ရွေးကောက်ပွဲကော်မရှင်အား ဆက်သွယ်ရန် ကြိုးစားသော်လည်း ဆက်သွယ်၍ မရရှိခဲ့ပေ။

About မွန်သတင်းအေဂျင်စီ

Check Also

ရပ်ရွာအေးချမ်းသာယာစေရေး လူမှုရေးပြဿနာများကိုဖြေရှင်းပေးသင့်

ဒီမိုကရေစီစနစ်ကို လေ့ကျင့်ပြုစုပျိုးထောင်နေသော လက်ရှိမြန်မာနိုင်ငံတွင် အရာအရာတိုင်းမှာ အစိုးရ၏ဝိုင်းဝန်းပံ့ပိုးမှုကိုသာ မှီခိုအားထားနေလို့မသင့်ပါ၊ ဒီမိုကရေစီစနစ်အရ ပုဂ္ဂလိကတာဝန်ပိုင်းမှာ နိုင်ငံသားကောင်းများဖြစ်ရန်နှင့် တာဝန်သိတတ်မှုကို အလေးထားကာ မိမိတို့ရပ်ရွာ အေးချမ်းသာယာရေးနှင့် ပြဿနာဖြစ်လာပါက အတူတကွ …

%d bloggers like this: