မွန်  ၊ အင်္ဂလိပ် ၊  Font

Breaking News
Home / သတင်း / မွန်ပြည်နယ်ပြည်တွင်းရေကြောင်းပိုင်သင်္ဘောအချို့ ပြန်လည်ပြေးဆွဲ

မွန်ပြည်နယ်ပြည်တွင်းရေကြောင်းပိုင်သင်္ဘောအချို့ ပြန်လည်ပြေးဆွဲ

ရေးသားသူ:

မင်းတော်လဝီ – ပြည်တွင်းရေကြောင်းပို့ဆောင်ရေးမှ အရှုံးပေါ်နေသည့်အတွက် ယမန်နှစ်တွင် သင်္ဘောခရီးစဉ်များ ရပ်ဆိုင်းခဲ့ရသော်လည်း ယခုအခါကုန်ပစ္စည်းများတင်ဆောင်မှုအသုံးများလာ၍ သင်္ဘောလိုင်းအချို့ ပြန်လည်ပြေးဆွဲနေသည်။

“မော်လမြိုင်-ဘားအံ -ရွှေဂွန်းသင်္ဘောလိုင်းကို နေ့စဉ်ပုံမှန်တစ်စီး ဆွဲနေတယ်၊ လူနည်းပေမယ့်ကုန်ပစ္စည်းများတယ်၊ အထူးသဖြင့် ရွှေဂွန်းမြို့အထိကုန်များများတင်နိုင်တယ်” ဟုမော်လမြိုင်မြို့ပြည်တွင်းရေကြောင်းပို့ဆောင်ရေးလုပ်ငန်းမှ ဝန်ထမ်းတဦးက ပြောသည်။

မော်လမြိုင်-ဖားအံ သင်္ဘော(Photo-Internet)
၂၀၁၁ ခုနှစ်တွင် မော်လမြိုင်-ရွှေဂွန်းခရီးစဉ်အရှုံးပေါ်ခဲ့၍ သင်္ဘောပြေးဆွဲခြင်းကိုရပ်နားခဲ့ပြီး ၂၀၁၂ ခုနှစ်၊ ဇန်နဝါရီလတွင် တင်ဆောင်ခစျေးနှုံးအသစ်ပြန်လည်သတ်မှတ်ကာ ရွေဂွန်းသင်္ဘောလိုင်း ပြန်လည်ပြေးဆွဲခြင်း ဖြစ်သည်။

ထို့အတူ မော်လမြိုင်-ကြာအင်းဆိပ်ကြီး အတ္ထရန်သင်္ဘောလိုင်းနှင့် မော်လမြိုင်မြို့ဆိပ်ကမ်းမှ ဘီလူးကျွန်းချောင်းဆုံမြို့နယ်သို့ ပြည်တွင်းရေကြောင်းပိုင် နှစ်ထပ်သင်္ဘောများ၊ ဇက်ကလပ်များလည်း နေ့စဉ်ပုံမှန်ပြေးဆွဲနေသည်ဟု အထက်ပါဝန်ထမ်းက ပြောသည်။

“ကုန်းလမ်းကကုန်ကျစရိတ်ကြီးတယ်၊ရေလမ်းကကုန်းလမ်းထက်စရိတ်သက်သာတယ်။ ရေလမ်းကအမြတ်ပိုရတယ်၊ သင်္ဘောဆိပ်ရှိတဲ့ထုံးအိုင်ရွာလို၊ ဘားအံမြို့နဲ့ရွှေဂွန်းလိုမြို့တွေ ပိုပြီးအဆင်ပြေနေတယ်”ဟု ဘားအံမြို့ခံ ကုန်သည်တစ်ဦးက ပြောသည်။

မော်လမြိုင်မြို့ဆိပ်ကမ်းကိုဗဟိုပြု၍ သံလွင်မြစ်တွင်းရေကြောင်း၊ အတ္ထရန်မြစ်တွင်းရေကြောင်း၊ ဂျိုင်းမြစ်တွင်း ရေကြောင်းနှင့် ဘီလူးကျွန်း-ကလွီ၊ နတ်မှော်ရေကြောင်းလမ်းများသည် မွန်ပြည်နယ်မြို့နယ်များနှင့် ကရင်ပြည်နယ်သို့ အဓိကဆက်သွယ်သည့်ရေကြောင်းလိုင်း ဖြစ်ခဲ့သည်။

About မွန်သတင်းအေဂျင်စီ

Check Also

မွန်ပြည်နယ်တွင် ကွမ်းသီးခြောက်တစ်ပိဿာ ကျပ် ၁၀ဝ၀ ကျော် ဈေးကျ

မွန်ပြည်နယ်အတွင်း ကွမ်းသီးအစိုပေါ်ချိန် နိုဝင်ဘာလတွင် ကွမ်းသီးခြောက် တစ်ပိဿာလျှင် ကျပ် ၁၀ဝ၀ ကျော်အထိ ဈေးကျသွားသည်ဟု ပြည်နယ်အတွင်းရှိ ကွမ်းသီးအရောင်းအဝယ်ပြုလုပ်နေသူတို့က ပြောသည်။ Related

%d bloggers like this: