spot_img
Friday, March 29, 2024
More
    spot_img
    Homeသတင်းသံဖြူဇရပ်မြို့နယ်တွင် မှန်လုံကားနှစ်စီးမီးရှို့ခံရ

    သံဖြူဇရပ်မြို့နယ်တွင် မှန်လုံကားနှစ်စီးမီးရှို့ခံရ

    -

    လွတ်လပ်သော မွန်သတင်းအေဂျင်စီ – အာဏာပိုင်များမှ လက်နက်အပ်ရမည့် ကိစ္စအား နှိုးဆော်နေသည့် ကာလတွင် ယနေ့နံနက်မှာရန်ကုန်-ထားဝယ် ပြေးဆွဲနေသည့် ကားနှစ်စီးကို အမည်မသိလက်နက်ကိုင်အဖွဲ့မှ မီးရှို့ဖျက်ဆီးလိုက်ရသည်ဟု ရွှေလီရတနာမှန်လုံယာဉ် ခရီးသည်ပို့ဆောင်ရေးက ပြောသည်။

    ရန်ကုန်-ထားဝယ် ပြေးဆွဲနေသည့် အမြန်ယာဉ်များ ( ဓာတ်ပုံ - လွတ်လပ်သော မွန်သတင်းအေဂျင်စီ)
    ရန်ကုန်-ထားဝယ် ပြေးဆွဲနေသည့် အမြန်ယာဉ်များ ( ဓာတ်ပုံ - လွတ်လပ်သော မွန်သတင်းအေဂျင်စီ)

    “ရွှေလီကားတစ်စီးနဲ့ ရာဇာမင်းတစ်စီး မီးရှို့ခံလိုက်ရတယ်၊ အရင်တပတ်ကဆက်ကြေးတောင်းထားကိုမပေးလို့ အခုလိုမီးရှို့လိုက်တယ်၊ ဆက်ကြေးတောင်းတဲ့လူတွေကတော့ အမြဲတောင်းနေကြပဲ၊ ဒီလိုမလုပ်ဘူးထင်လို့ပေါ့၊ ဆက်ကြေးကကားတစ်စီးဆို ၁၀ သိန်းတောင်းတယ်” ဟုရွှေလီရတနာခရီးသည် ပို့ဆောင်ရေးမှ တာဝန်ရှိသူတစ်ဦးကပြောသည်။

    ရန်ကုန်မှ ဆင်းလာသည့် ရွှေလီရတနာကားတစ်စီးနှင့် ရေးမှ တက်လာသည့် ရာဇာမင်းကားတစ်စီးကိုသံဖြူဇရပ်မရောက်ခင် အနင်းကျေးရွာနှင့် လိမ္မော်ခြံကျေးရွာကြားမှာဆက်ကြေးတောင်းသည့်အဖွဲ့ကကားကိုမီးရှို့လိုက်သည်။

    ကား၌ပါလာသည့် ခရီးသည်များကိုကားပေါ်မှ ဆင်းခိုင်းပြီးကားကိုမီးရှို့လိုက်ကာကားမောင်းသူနှစ်ဦးကိုခေါ်ဆောင်သွာသည်ဟုသိရသည်။

    “ဆက်ကြေးတောင်းတဲ့လူတွေကတော့ ဘယ်သူဘယ်ဝါဆိုတာမသိဘူး၊ ဒါပေမယ့် အဲဒီသံဖြူဇရပ်-ရေးကားလမ်းတလျှောက်မှာတော့ ကရင်အဖွဲ့ တွေဆက်ကြေးတောင်းတာရှိတယ်၊ ကျမတို့ ကားသမားမောင်ငြိမ်းလည်းပါသွားတယ်၊ လောလောဆယ်မှာတော့ ဘာလုပ်ရမှန်းမသိသေးဘူး” ဟုအထက်ပါ တာဝန်ရှိသူကပြောသည်။

    ကားနှစ်စီးမီးလောင်ပျက်စီးပြီးနောက် သံဖြူဇရပ်မှ ရဲကားများရောက်ရှိသွားပြီးစစ်ဆေးမှုပြုနေသည်ဟုကားမီးလောင်အပြီးထိုနေရာသို့ ရောက်သွားသူမျက်မြင်တစ်ဦးကပြောပါသည်။

    “ကျနော်တို့ ဆင်းသွားတုန်းကဘာမှတော့ မတွေ့ဘူးအပြန်မှာတော့ မီးလောင်ထားတဲ့ကားနှစ်စီးနဲ့ ရဲတွေ ရဲကားတွေ စစ်ဆေးမှုလုပ်နေတာတွေ့တယ်၊ ကြည့်ရတာကားကိုမီးရှို့ထားတဲ့ပုံပဲ၊ ဒါပေမယ့် အကြောင်းစုံကိုတော့ ကျနော်လည်းအတိအကျမသိဘူး” ဟုကားမီးလောင်းခဲ့သည့် မြင်ကွင်းကို မြင်တွေ့ခဲ့သူသံဖြူဇရပ်မြို့ခံတစ်ဦးကပြောသည်။

    ပြီးခဲ့သည့် မေလ ၂၂ ရက်နေ့မှာလည်းရန်ကုန်-ထားဝယ် ပြေးဆွဲနေသည့် ရွှေမြင်းပျံ၊ ရွှေဝယ်ရတနာ၊ ရွှေဝါဖူး၊ ကြယ်စင်ဟိန်းနှင့် ရာဇာမင်းခရီးသည်တင် မှန်လုံယာဉ် ၅ စီးကိုမွန်ပြည်နယ် ရေး-သံဖြူဇရပ်လမ်းပိုင်းကနင်ကမော့ရွာနှင့် လိမ္မော်ခြံရွာကြားတွင် လက်နက်ကိုင် လူတစုကယာဉ်များကိုပစ်ခတ်ပြီးရပ်တန့်စေပြီးဆက်ကြေးတောင်းကာယာဉ်မောင်းနှင့် ယာဉ်နောက်လိုက် ၆ ဦးကိုဖမ်းဆီးသွားခဲ့သည်။

    ထားဝယ်- ရန်ကုန်၊ ထားဝယ်-မော်လမြိုင် ပြေးဆွဲနေသည့် မော်တော်ယာဉ်များလမ်းပိုင်းများတွင် မွန် ကရင် လက်နက်ကိုင်တပ်များလှုပ်ရှားတတ်ပြီး၄င်းတို့ မှအလျဉ်းသင့်သကဲ့သို့ ဆက်ကြေး (သို့ မဟုတ်) နှစ်စဉ်ကြေးတောင်းလေ့ရှိသည်။

    ပြီးခဲ့သည့်လတွင် မွန်လက်နက်ကိုင်အဖွဲ့ တဖွဲ့ မုဒုံမြို့ တွင် အိပ်ချိန်းတိုင်ကိုဖောက်ခွဲခဲ့ပြီး ယခုတွင်လည်းခရီးသည်တင်ကားကိုထပ်မံမီးရှိူ့ လိုက်သည်။ ထိုကိစ္စနှစ်ရပ်လုံးအားလုံခြုံရေးတပ်မှ အချိန်မီအကူအညီမပေးနိုင်ပေ။

     

     

     

     

     

    ဆက်စပ်သတင်း

    Stay Connected

    0FansLike
    0FollowersFollow
    409FollowersFollow
    20,700SubscribersSubscribe
    spot_img

    Latest posts