မွန်  ၊ အင်္ဂလိပ် ၊  Font

Breaking News
Home / သတင်း / မွန်စာပေနှင့် ဗုဒ္ဓဘာသာ ယဉ်ကျေးမှု ဥက္ကဌ ဆရာတော် ဘဒ္ဒန္တ ဣန္ဒက ပျံလွန်

မွန်စာပေနှင့် ဗုဒ္ဓဘာသာ ယဉ်ကျေးမှု ဥက္ကဌ ဆရာတော် ဘဒ္ဒန္တ ဣန္ဒက ပျံလွန်

ရေးသားသူ:

ဂျုရီချိုင်း – မွန်ပြည်နယ် မုဒုံမြို့နယ် ကမာဝက်ရွာ လဝီမာန်ထောကျောင်းမှ သက်တော် ၇၅ နှစ်အရွယ်ရှိ ဆရာတော် ဘဒ္ဒန္တ ဣန္ဒကသည် ဇွန်လ ၁၅ ရက်နေ့ မွန်းလွဲ ၁ နာရီ ၄၅ မိနစ်တွင် ကင်ဆာရောဂါဖြင့် ပျံလွန်တော်သွားကြောင်း သိရသည်။

ဆရာတော်သည် ကမာဝက်ရွာ ဇာတိဖြစ်ပြီး သက်တော် ၇၅ နှစ်၊ ၅၅ ဝါရှိကာ လဝီမာန်ထောကျောင်းတွင် ပျံလွန်တော်မူခဲ့သည်။

ဆရာတော် မပျံလွန်တော်မူခင် ပြီးခဲ့သည့် နှစ်ပတ်က ရန်ကုန်တိုင်း စမ်းချောင်းမြို့နယ် အာရှတော်ဝင် အထူးကုဆေးခန်းကြီးတွင် တက်ရောက်ဆေးကုသခဲ့ကြောင်း ဆရာတော်၏ တပည့်သံဃာတော် တပါးက မိန့်ဆိုသည်။

“လွန်ခဲ့တဲ့ နှစ်ရက်က ရန်ကုန်ကနေ အခြေအနေ မကောင်းတော့လို့ အသက်ကယ်ဆေးနဲ့ ကျောင်းကို ဆင်းလာခဲ့တယ် ဒီရောက်မှ ပျံလွန်သွားတယ်” ဟု အထက်ပါ တပည့်သံဃာတော်က မိန့်သည်။

ဆရာတော်သည် ပြီးခဲ့သည့်လက စင်ကာပူနိုင်ငံသို့ တလခန့် သွားရောက် ဆေးကုသခံယူခဲ့သေးကြောင်း သိရသည်။

မွန်စာပေနှင့် ဗုဒ္ဓဘာသာ ယဉ်ကျေးမှု ဥက္ကဌ ဆရာတော် ဘဒ္ဒန္တ ဣန္ဒ နွေရာသီသင်တန်ဆင်း အခန်းအနားမိန့်ခွန်း မိန့်ကြားနေစဉ်
မွန်စာပေနှင့် ဗုဒ္ဓဘာသာ ယဉ်ကျေးမှုအဖွဲ့ ဥက္ကဌ ဆရာတော် ဘဒ္ဒန္တ ဣန္ဒက နွေရာသီ မွန်စာပေ သင်တန်ဆင်း အခမ်းအနားတခုတွင် သြဝါဒ မြွက်ကြားစဉ်

လွန်ခဲ့သည့် ၂ နှစ်ခန့်မှ စ၍ ဆရာတော် ပျံလွန်တော်မူချိန်ထိ မွန်စာပေနှင့် ဗုဒ္ဓဘာသာ ယဉ်ကျေးမှု သင်ကြားရေးအဖွဲ့ မွန်ဒေသလုံးဆိုင်ရာ ဥက္ကဌ မုဒုံမြို့နယ် အတွင်းရေးမှူး အဖြစ် ဆောင်ရွက်လာခဲ့သည်ဟု သံဃာတော်တပါးက မိန့်သည်။

ဆရာတော်ကြီးသည် သာသနာရေး ၊ မွန်စာပေရေး၊ ဘုရားတည်ခြင်း၊ လမ်းများ ပြုပြင်ခြင်းနှင့် ရပ်ရွာ ဖွံ့ဖြိုးရေးအတွက် အပင်ပန်းခံပြီး ဆောင်ရွက်လာခဲ့သည်။

“ဆရာတော် ပျံလွန်တော်မူသွားတော့ သာသနာရေးနဲ့ ရပ်ရွာဖွံ့ဖြိုးရေး လှုပ်ရှားတဲ့နေရာမှာ ပြတ်လပ်သွားတယ်ပေါ့၊ တောင်တလုံး ပြိုသွားသလို ဖြစ်သွားတယ်” ဟု ကမာဝက်ရွာမှ ဆရာတော်၏ ဒါယကာ တဦးက ပြောသည်။

About မွန်သတင်းအေဂျင်စီ

Check Also

ကမာကေး-တော်ပကောက် လမ်းပြုပြင်မည့်ဘတ်ဂျက်ငွေမလုံလောက်

မွန်ပြည်နယ်၊ ဘီလူးကျွန်းရှိ ကမာကေး-တော်ပကောက်လမ်းအမြန်ဆုံးပြုပြင်နိုင်ရန် ၂၀၁၇-၁၈ ခုနှစ် ကျေးလက်ဦးစီးဌာနများ၏ ဘတ်ဂျက်ငွေများ လျှော့ချလိုက်သည့်အတွက် ဘတ်ဂျက်ငွေ မလုံလောက်ဖြစ်နေကြောင်း ချောင်းဆုံမြို့နယ်၊ စည်ပင်သာယာရေးကော်မတီမှ သတင်းရရှိသည်။ Related

%d bloggers like this: