မွန်  ၊ အင်္ဂလိပ် ၊  Font

Breaking News
Home / သတင်း / လပြည့်နေ့ဆွမ်းလောင်ပွဲ သုံးဆူဥက္ကဋ္ဌမှ ပိတ်ပင်

လပြည့်နေ့ဆွမ်းလောင်ပွဲ သုံးဆူဥက္ကဋ္ဌမှ ပိတ်ပင်

ရေးသားသူ:

သူရိန် – လာမည့် နိုဝင်ဘာလ ၇ ရက်နေ့တွင် ပြုလုပ်မည့် ရွေးကောက်ပွဲမတိုင်မီ လူစုလူဝေးမလုပ်ရဟုသော မယကအမိန့်ကြောင့် ယခုလ ၂၂ ရက်နေ့တွင် ကျင်းပမည့် မြို့လုံးကျွတ်ဆွမ်းကြီးလောင်လှူပွဲမလုပ်ရန် မယကမှ ပိတ်ပင်လိုက်သည်။

“ရွေးကောက်ပွဲမတိုင်ခင် လူစုလူဝေးပြုလုပ်ရတဲ့ ပွဲလမ်းသဘင်တွေကို လုံးဝခွင့်မပြုဘူး။ ဒီနှစ် ဆွမ်းလောင်ပွဲလည်း မရှိတော့ဘူး” ဟု သုံးဆူမြို့နယ်ဥက္ကဋ္ဌအဖွဲ့ဝင်တို့က ပြောသည်။

သုံးဆူမြို့လုံးကျွတ်ဆွမ်းကြီးလောင်လှူပွဲတွင် ဘုန်းကြီးကျောင်းပေါင်း ၈၀ ကျော်မှ သံဃာတော်များအား ပြည်သူတို့အား ၄င်းတို့ချွေနည်းစာဖြင့် တစ်နှစ် တစ်ကြိမ် ဆွမ်းဆန်စိမ်လောင်း လှူကြမည်ဖြစ်သည့်အတွက် ယခုကဲ့သို့ ၄င်းတို့အလှူကို ပိတ်ပင်လိုက်သောကြောင့် စိတ်မချမ်းမသာဖြစ်နေကြသည်။

မြို့လုံးကျွတ်ဆွမ်းလောင်ပွဲတော်ကို မယကဥက္ကဋ္ဌနှင့် ဂေါပကအဖွဲ့တို့မှ ဦးဆောင်ကျင်းပပေးပြီး ၄င်းတို့မှ ဘာကြောင့်မလုပ်ပေးသည့်အတွက် ဆွမ်းလောင်ရန်လျာထားသည့်အလှူရှင်များ စိတ်ဆိုးနေကြသည်။ ၄င်းတို့ သည် ဆွမ်းလောင်ဝတ်စုံများပြင်ဆင်ချုပ်ထားပြီးဖြစ်သည့်အတွက် ရွေးကောက်ပွဲမတိုင်မီ မလုပ်ပေးသောကြောင့် စိတ်မချမ်းမသာဖြစ်ကြသည်။

သုံးဆူဒေသခံတစ်ဦးက “သံဃာတော်အရေးနဲ့ ပြည်သူ့အရေးကို ပိတ်ပင်ထားတယ်။ ကြံ့ဖွ့ံတွေလည်း ရွေးကောက်ပွဲအတွက် အလုပ်ရှုပ်နေတော့ ဒီအရေးတွေကြောင့် သူတို့အတွက် အခက်အခဲဖြစ်သွားမှာ စိုးရိမ်းတယ်လေ” ဟု ပြောသည်။

ကရင်ပြည်နယ် ဘုရားသုံးဆူဆွမ်းကြီးလောင်းလှူပွဲကျင်းပရန် မြို့နယ်ဥက္ကဋ္ဌမှ ပိတ်ပင်သော်လည်း မွန်ပြည်နယ် မုဒုံမြို့နယ်တွင် မြို့လုံးကျွတ်ဆွမ်းကြီးလောင်းလှူပွဲအတွက် စေတနာအလျောက် ထည့်သွင်းကြရန် အိမ်တိုင်းအိမ်တိုင်း၌ အလှူခံလျက်ရှိသည်ဟု မုဒုံမြို့သူတစ်ဦးက ပြောသည်။

About မွန်သတင်းအေဂျင်စီ

Check Also

မွန်ပြည်နယ်ရှိ မြို့နယ်အားလုံး မွေးမြူးရေးဇုန်ထူထောင်ပေးနိုင်ရန် မြေနေရာရှာဖွေလျက်ရှိ

မွန်ပြည်နယ်ရှိ မြို့နယ်အားလုံးနီးပါးတွင် မွေးမြူရေးဇုန် ထူထောင်ပေးနိုင်ရန်အတွက် အစိုးရအဖွဲ့မှ မြေနေရာများ ရှာဖွေလျက်ရှိကြောင်း စက်တင်ဘာ (၂၀) ရက်နေ့က ကျင်းပသည့် ဒုတိယအကြိမ်မွန်ပြည်နယ်လွှတ်တော် သတ္တမပုံမှန် အစည်းအဝေးနောက်ဆုံးနေ့တွင် ကိုယ်စားလှယ်၏ …

%d bloggers like this: