မွန်  ၊ အင်္ဂလိပ် ၊  Font

Breaking News
Home / သတင်း / အပူလွန်ကဲမှုကြောင့် နှစ်ရှည်ပင်များ ခြောက်သွေ့သေဆုံးမှုရှိ

အပူလွန်ကဲမှုကြောင့် နှစ်ရှည်ပင်များ ခြောက်သွေ့သေဆုံးမှုရှိ

ရေးသားသူ:

မင်းတော်လဝီ

ယခုနှစ် နွေရာသီကာလ ရှည်ကြာခြင်းနှင့် အပူရှိန်လွန်ကဲမှုကြောင့် နှစ်ရှည်ပင်များ ခြောက်သွေ့ သေဆုံးမှုများရှိနေကြောင်း ရေးမြို့နယ်အတွင်းရှိ ခြံပိုင်ရှင်တို့က ပြောသည်။

မွန်ပြည်နယ် ရေးချောင်းဖျားဒေသရှိ ဖလန်ရွာ၊ ကနီရွာ၊ ပသာရွာ၊ ပနန်းဘုံရွာနှင့် ကျောင်းရွာ ဒေသတဝိုက်ရှိ နှစ်ရှည်ပင်များဖြစ်သည့် ကွမ်းသီးပင်၊ ကြက်မောက်ပင်၊ ဒူးရင်းပင်အပါအဝင်် အခြားသီးပင်များ ရာသီဥတုပူပြင်းမှုကြောင့် သေဆုံးမှုရှိနေသည်ဟု ကျောင်းရွာကျေးရွာမှ ကွမ်းသီးခြံပိုင်ရှင်တဦးက ပြောသည်။

“ကျနော့်ခြံမှာ ကွမ်းသီးပင် ၃ဝဝဝ ကျော် ရှိတာကို ဒီနှင်မှာ အပင် ၈ဝဝ လောက် သေနေတာ၊ ဒီနှစ်မှာ အရမ်းပူပြင်းတယ်၊ ခါတိုင်းနှစ်တွေမှာ သေတာတော့ရှိတယ် ဒါပေမယ့် ဒီနှစ်လောက်တော့ မဆိုးဘူးပေါ့” ဟု ရေးမြို့နယ်၊ ဖလန်ရွာမှ ကွမ်းသီးခြံပိုင်ရှင်တဦးက ပြောသည်။

“တခြံလုံးလိုလို အရွက်တွေ ဝါပြီးတော့ အပင်ခြောက်သွားတယ်၊ ပန်းခိုင်က အသီးကင်း တွေဆို ခြောက်ပြီး ကြွေကုန်တယ်၊ ကွမ်းသီးပင်တွေ အသေများတယ်၊ ဒီနှစ်လို အပူရှိန်မြင့်တာမျိုး၊ နွေရာသီမှာ ရေပြတ်တာမျိုးက မကြုံဖူးပါဘူး၊ သီးနေတဲ့အချိန်ဆို ပိုဆုံးရှုံးမှုများတာပေါ့၊ ဒီနှစ်ကွမ်းသီးအထွက်တော့ လျော့မှာသေချာတယ်၊ ကွမ်းသီးပင်တွေ လေးပုံ တစ်ပုံလောက် သေဆုံးနိုင်တယ်” ဟု ရေးမြို့နယ်၊ လမိုင်းမြို့နယ်ခွဲရှိ ခြံရှင်တဦးက ပြောသည်။

ရေခန်းခြောက်မှုကြောင့် မုဒုံမြို့နယ်အတွင်းရှိ သစ်သီးစိုက်ပျိုးပင်များလည်း သေဆုံးမှုရှိနေသည်ဟု မုဒုံမြို့နယ်၊ ကော့ခပုံရွာ လေးဧကခြံမှ ခြံရှင်တဦးက ပြောသည်။

ယခုနှစ် နွေရာသီရှည်လွန်းခြင်း ရေပြတ်လပ်မှုကြောင့် စိုက်ပျိုးပင်များ ခြောက်သွေ့သေဆုံးနေရတယ်လို့ မြန်မာ့စိုက်ပျိုးရေး လုပ်ငန်းဥယျာဉ်ခြံဌာနမှ ဝန်ထမ်းတဦးက ပြောသည်။

ယမန်နှစ်က ကွမ်းသီးအထွက်ကောင်းပြီး၊ ကွမ်းသီးအခြောက်ပိသာချိန် ၁၅ဝဝ ကို ကျပ်သိန်း၂ဝ ကျော်ကျော် ရရှိလို့ အဆင်ပြေမှုရှိသော်လည်း ယခုနှစ်မှာ ကွမ်းပင်များသေဆုံးမှုရှိနေခြင်းကြောင့် အထွက်တန်ချိန် လျော့ကာ ဝင်ငွေလည်း လျော့မည်မလွဲပင်ဖြစ်သည်ဟု ရေးမြို့နယ်၊ ဖလန်ရွာခံတစ်ဦးက ပြောသည်။

About မွန်သတင်းအေဂျင်စီ

Check Also

မွန်ပြည်နယ်ရှိ မြို့နယ်အားလုံး မွေးမြူးရေးဇုန်ထူထောင်ပေးနိုင်ရန် မြေနေရာရှာဖွေလျက်ရှိ

မွန်ပြည်နယ်ရှိ မြို့နယ်အားလုံးနီးပါးတွင် မွေးမြူရေးဇုန် ထူထောင်ပေးနိုင်ရန်အတွက် အစိုးရအဖွဲ့မှ မြေနေရာများ ရှာဖွေလျက်ရှိကြောင်း စက်တင်ဘာ (၂၀) ရက်နေ့က ကျင်းပသည့် ဒုတိယအကြိမ်မွန်ပြည်နယ်လွှတ်တော် သတ္တမပုံမှန် အစည်းအဝေးနောက်ဆုံးနေ့တွင် ကိုယ်စားလှယ်၏ …

%d bloggers like this: